Un itinerario dende Exeria a Xela Arias, pasando por Rosalía de Castro, Filomena Dato, Concepción Arenal ou Emilia Pardo Bazán, para coñecer a obra e afondar na vida destas referentes intelectuais de galegas.

Co principal obxectivo de difundir e poñer en valor a figura destas seis escritoras, onte, luns 23 de agosto na Biblioteca Pública Municipal de Portas, realizouse un obradoiro de creación plástica onde se elaborou un libroobxecto a través do cal , dun xeito imaxinativo puidemos afondar na súa obra e na súa vida. Un Obradoiro moi educativo e entretido.

O 16 de agosto levouse a cabo a actividade: Por que é salgada a auga do mar?

A biblioteca municipal de Riós, realizou a actividade fóra das instalacións tendo en conta o bo tempo e o protocolo para a prevención da COVID-19.

A actividade resultou ser moi educativa e fíxonos rir a tod@s.

O sábado 21 pasou  pola area recreativa de Val do Dubra, Atenea García co seu espectáculo “UTOPIAS”, donde os cativos e cativas disfrutaron dos seus contos, e donde participaron activamente axudándolle a contalos, unha tarde diferente e divertida.

O pasado 17 de Xullo  pola tarde tivemos os ” Novos Lobos”  no parque infantil de Val do Dubra, unha actividade con monicreques, donde os pequenos e pequenas e os non tan pequechos  pasaron un anaco moi divertido.

O venres 20 de agosto tivo lugar na piscina municipal a actuación de Xoán Curiel e a banda de verán.

A cativada e os adultos puideron gozar dunha animada tarde a cargo dos sons de música infantil e familiar moi roqueiros e terroríficamente divertidos. Completouse o aforo con preto de trinta de asistentes.

Este espectáculo que nace dun disco-libro denominado Estamos no Verán, que tamén se pode atopar na biblioteca municipal.

O pasado venres 20 de Agosto, ás 20h, na Rúa Irmáns La Salle (ao carón da Biblioteca – Salón de Actos), tivemos o espectáculo de contos e viaxe coa imaxinación con Sarabela Teatro, “Isto non é só unha caixa”.

Gran número de participantes acudiron á chamada da Biblioteca do Concello de Verín.

Esta mañá tivemos o obradoiro creativo “Animalario Fantástico” a cargo de Crearte Servizos Culturais! Durante esta actividade as pequenas e pequenos puideron coñecer unha ampla variedade de animais pertencentes a diversas mitoloxías, un aprendizaxe para abrir a mente, para descubrir novas formas. Ao remate da avtividade cada un e cada unha puideron levar consigo o seu libro personalizado coa súa creación propia, todo un éxito!

O mércores 18 de agosto as nenas e nenos do Pereiro quedaron abraiados cos contos de Fran Campos que non acudiu á cita só, senón que veu acompañado da súa guitarra e da súa inseparable Filipa.

Houbo contos para toda a familia con historias de aquí e acolá, historias tradicionais, historias cantadas… que fixeron desta unha xornada “filipante”.

DÍA DE FESTA E BAILE CO LIBRO”ESTAMOS NO VERÁN” QUE XA LERAN DURANTE A SEMANA E COA MÚSICA DE XOAN CURIEL. FOI UNHA FESTA NECESARIA NESTES MOMENTOS E QUE AXUDOU A COÑECER NOVOS LIBROS.