Hoxe pasamos unha tarde marabillosa  con Laura de Patasdepeixe, que nos contou a historia do libro e como se fai. Excelente traballo de educación e divulgación na que as cativas/os aprenderon e disfrutaron, ademais de ir encantados có seu libro. Moi recomendable e unha actividade perfecta para celebrar o Día do Libro.

Go gaio da celebración do día do Libro tivemos a ocasión de contar cunha sesión de piratas. Pirata Frank  acompañou aos nenos e nenas na búsqueda do seu tesouro, cruzando as cristas nevadas , a lagoa das ras cantoras  e o volcán que cuspe lume sen parar para chegares a coñecer á auténtica Pirata Frank.

Sesión de aventuras e de igualdade para desfrutar deta data de celebración.

Actividade realizada na Biblioteca de O Barco de Valdeorras o día 23 de abril do  2024 as 19:00H.

O martes 23 de abril celebramos o día do libro na biblioteca municipal de Ponteceso. Veunos a visitar Faifá, unha ratiña de Lonxedetodo, que nos deleitou cuns contos para os nosos pequenos lectores. Contounos a historia do monstro de cores , entre outras, os pequenos cantaron e bailaron a canda a ratiña, pasando así unha agradable tarde na biblioteca.

Onte desfrutamos moito coa representación de “O traxe novo do rei” de Tarabelos. Moi boa representación do clásico de H.C. Andersen e magníficos títeres.

O martes 23 de abril tivemos connosco a Paula Regueiro para festexar o Día do Libro!

Co seu contacontos “Anuncio por palabras”,  fixo que grandes e cativos participasen da actividade .

O pasado mércores 24, os nen@s, e no tan nenos, pasámolo en grande con Esteban Acuña e o Novo traxe do rei. Fabulosa e divertida adaptación do conto de Hans Christian Andersen.

Motas gracias Esteban e ao público asistente!!!

O martes 23 de abril tivemos connosco a Raquel Queizás para festexar o Día do Libro!

Raquel trouxo o seu espectáculo “A Orixe”, que fixo as delicias tanto de grandes coma cativos, e máis de un voluntario rematou no chan 😉

Foi unha sesión moi amena e divertida, e tamén moi participativa, xa que cantamos, bailamos e algúns papás e mamás foron voluntarios para axudar a Raquel no seu conto de animais.

Ó rematar, os pequenos quixeron tocar e preguntar a Raquel polos seus “artefactos” e mesmo sacar fotos.

Moitas grazas Raquel por unha tarde moi divertida para festexar unha data tan especial.

Charo Pita veu contar á Axencia de Lectura de Esteiro, Biblioteca Municipal de Muros, para celebrar o día do libro. Trouxo contos para contar e para cantar, un estupendo espectáculo para nenos e adultos

En colaboración co CEIP de Quiroga, celebramos o Día do Libro co espectáculo ” A Maga Sargantana” a cargo de “Los últimos teatro”. A través do conto e da maxia nenos e nenas convertéronse en protagonistas. Un pracer acoller nas nosas instalacións esta actividade e contar co apoio do CEIP .