Na tarde do luns 27 de maio, dez usuarias da Biblioteca José Saramago do CSC de Vite atrevéronse a resolver un enigma de escándalo! Seguindo as pistas e probas atopadas, conseguiron averiguar o contrasinal de diversos cadeados. Así, por medio do enxeño e do traballo en equipo, o grupo conseguiu revelar a identidade da personaxe culpable de desordenar a biblioteca durante o Espectáculo do Mago X. A actividade era unha completa novidade para as dez mulleres participantes; porén, logrou espertar o seu entusiasmo e as ganas de dar coa solución. Ademais, aprenderon a non deixarse levar polos prexuízos atribuídos de primeiras ás personaxes e o resultado sorprendeunas ao rachar estereotipos. Entón, da man de “Batucado y Emusin”, este escape room foi unha actividade entretida e orixinal.

Ana encheo outra vez máis a nosa biblioteca de máxia e bonitos recordos porque no seu pañuelo aínda sigue pegada a lágrima que recollera na nosa biblioteca fai como oito anos.

Os nenos e nenas leron o seu libro  que Ana dedicou  personalizando para cada un.

O feito de ter lido o libro fixo que a reunión fosen moi participativa con preguntas por parte de nenos,nenas e dos acompañantes adultos

O venres 24 de maio os nen@s de Vila de Cruces pasaron un anaco divertido e o mesmo tempo educativo con Patricia Martínez.

Combinou contos e xogos onde lle transmitiu aos cativos a importancia de pasalo ben lendo e xogando. Ademais ensinoulles que non hai xogos nin contos de nigún xénero, xa que todos somos iguais e temos que respectarnos, así como tamén a importancia das boas accións . Estas ó final sempre teñen recompensa como nos mostra o conto ” O elefante e a xenerosidade”.

Mañá chea de ensinanzas e risas coa Fada do Saco Verde, que visitou este sábado a Biblioteca de Trazo.

Bóveda homenaxeou a Luisa Villalta cun obradoiro sobre a súa biografía.

 As persoas participantes, todo o alumnado do Ceip Rosalía de Castro  de Bóveda, desfrutaron coa proposta da arquitecta Sheila García.

O pasado venres un grupo de nenos e nenas pasaron unha tarde moi entretida escoitando o conto de  “Maruxa” e poñéndose máns á obra facendo masa para darlle forma aos personaxes do conto así como recreando escenas da historia.

O sábado 25 de maio pásamolo moi ben na Biblioteca de Viveiro. No obradoiro, Un libro e unha vaca, a rapazada aprendeu o que é un libro, aprecialo e telo en conta como unha valiosa ferramenta que os pode acompañar durante toda a súa vida.

O pasado venres 24 de maio, pechamos a programación das Letras Galegas 2024 coa presenza da cantante e narradora oral Jara Ortiz e a súa particular proposta Rosalía Cantareira! 

A actividade é un recintal poético musicado, que suma unha serie de explicacións sobre a música tradicional, debullando a biografía de Rosalía, así como os usos da pandeireta e dun pequeno repertorio de música tradicional. A artista convida ao público a cantar con ela, a tocar as palmas e a bailar (as que queiran), nunha viaxe arredor da vida e a obra da autora Rosalía de Castro.

Unha oportunidade para achegarnos á nosa cultura, revisar a memoria e compartir cánticos tradicionais absolutamente referenciais para a nosa lingua!

Ana Meilán, excelente autora e contadora de literatura infantil, estivo na BPM de Sober acompañando aos nenos e nenas que participan nas Merendas con Contos dos venres.

Chegou cargada de libros que conteñen moitas historias. Descubrimos os segredos dos personaxes que viven nos contos e desfrutamos un montón coas aventuras narradas por Ana.

O pasado 20 de maio tivemos con nós a Carmen Domech e Olga Abad, viaxeiras no tempo, que nos levaron a outras épocas  e lugares a través do alfabeto, para coñecer ás mulleres que foron recoñecidas coas Letras Galegas, entre elas, por suposto, Luisa Villalta. Foi un pracer!