Biblioteca municipal de Ferrol e Lucía Jares
Asistentes a primeria sesión de Mares de Letras.
Saltar a ligazóns de pé de páxina
Archive for month: Xuño, 2024
“Museo Luisa Villalta” na BPM de Pontedeume, “Poeta Ramiro Fonte”
Para conmemorar o día das nosas Letras, contamos o día 15 de maio ca actuación do grupo A RunRun, representando a obra didáctica familiar “Museo Luisa Villalta”; unha maneira moi moi pero que moi divertida de achegarnos á figura da polifacética Luísa Villalta, homenaxeada este ano.
Bibliocanta na BPM de Pontedeume “Poeta Ramiro Fonte” para celebrar o día do libro
Maiores e rapazada desfrutaron dunha actividade familiar, didáctica e moi divertida, aprendendo, cantando e bailando os ditos polulares e cantares da nosa terra, da man de “Bibliocanta”
ROBÓTICA CREATIVA NA BIBLIOTECA MUNICIPAL “JUANA IBARBOUROU” DE LOURENZÁ
Interesante actividade onde os rapaces e rapazas desfrutaron e experimentaron co mundo da robótica
Repartimos zapatiños de cartón na Biblioteca de Ribeira
Rematou maio con vento e chuvia, pero iso non impediu que tivésemos unha preciosa mañá de sábado con contos, historias e cancións no Centro Cultural Lustres Rivas.
O 25 de maio rematamos os sábados de conto deste ano 2024, e rematamos con moita alegría. Queríamos ir a San Roque pasar a mañá no medio das árbores e escoitar alí as preciosas historias de Anxo Moure, pero como ameazaba chuvia decidimos quedar ao cuberto no Lustres.
E ás 12.00 h chegou Zapatiños de cartón á porta, parecía un vendedor ambulante, co mandilón azul e un carriño cheo de zapatos… Alí nos xuntamos arredor del e comezou a maxia dos contos. Fomos poñendo as nosas chapas do galego e…
Subimos á sala de exposicións sen facer ruído para non molestar na Biblioteca Pública Municipal de Ribeira e Anxo contounos por onde viñera desde Chantada, aprendeunos os nomes das árbores e o ben que fan, cantounos cancións, tocamos a pandeireta, bailamos, montamos no teixugo… Unha festa completa. Ademais deunos un “zapatiño de cartón para levar no corazón” a cadaquén.
Tamén levamos sempre no corazón a Anxo Moure, este Carballo con Botas tan bo e cariñoso!
Ler Conta Moito.
Alicia no País das Marabillas, de Cachirulo Teatro, na Biblioteca dos Tilos-Teo
O venres 31 de xuño coñecimos da man de Cachirulo as aventuras de Alicia no País das Maravillas, un espectáculo con monicreques que adapta o clásico de Lewis Carroll apto para todos os públicos. Humor e fantasía para pasalo en grande.
Biblioteca de Viveiro. Sarabela teatro. “O lapis de Martín”
O sábado, 1 de xuño, na Biblioteca de Viveiro estuvo con nós Sarabela Teatro coa actuación “O lapis de Martín”.
Viñ
eron moitos nenos/as con algúns papás e
mamás e aprenderon moitas cousas, sobre todo como empregar a imaxinación.
Contacontos sensorial na Biblioteca José Saramago do CSC de Santa Marta
Hoxe, sábado 1 de xuño, recibimos no CSC de Santa Marta, en Santiago de Compostela, a visita de Patricia de Eduvía que veu presentarnos unha sesión de contacontos destinada a bebés de 0 a 3 anos e a adultos e adultas acompañantes.
A través das emocións e a experimentación, os máis pequenos puideron gozar dunha experiencia feliz, ao tempo que as súas familias adquirían ferramentas para potenciar a experiencia da lectura cos seus fillos e fillas.
Unha vez finalizado o contacontos, os asistentes achegáronse á biblioteca a coñecer a nosa sección de pequenos lectores.
A Fraga ds Mouros, o bosque itinerante na Biblioteca de Chantada
Hoxe unha moura e un trasno visitaron a nosa biblioteca para estar cos nenos e nenas de Chantada porque queren salvar o bosque e precisan a axuda de todos os asistentes.
Para iso deben atravesar probas e descubrir a mitoloxía e a natureza galegas entre xogos, contos, cancións e malabares.
Actividade moi participativa e entretida.
Rosalía Cantareira
Unhas trinta persoas disfrutaron do espectáculo de Jara Ortiz na Biblioteca de Conxo.
A artista conduciu á rapazada, moi atenta e participativa, ó mundo das regueifas e cantareiras.
Declamou con moito sentimento os versos da poeta de Cantares Gallegos coa axuda do bombo e a pandeireta.
Séguenos