Betty, acompañada por Carmen ao piano, cantou promovendo a participación do público. Utilizou o inglés e o galego para potenciar as actividades en grupo valorando o feito de que cada persoa é diferente.

Para rematar, as crianzas fixeron un debuxo colectivo.

Foi a actividade mais bonita de tódalas que levamos feito¡¡¡
Non atopo palabras para describir o que vivemos con Patricia bebes e maiores, todos descalzos, descubrindo sons, cheiros, sensacións…..utilizando cousas simples como instrumentos, millo, plumas, cancions…….. tan entretida que ninguen se queria marchar¡¡

Espectacular maneira de utilizar os contos para presentar os seus axudantes, instrumentos musicais, monicreques, maxia, etc……. que atrapan a atención dos pequenos, participando das e nas historias¡¡

Dani Blanco tróuxonos o seu espectáculo á biblioteca. Desde o primeiro momento captou a atención dos máis pequenos e dos seus pais.
Os diferentes números circenses en simbioses con diferentes ritmos, se intercalaron á perfección coa historia do gato tragón.
O resultado foi, que tanto nenos como maiores, fóronse a casa satisfeitos.

Cu-cú, Tas-tás é un trasniño que quere facer as cousas ben e non confundir grande con pequeno, enriba-abaixo, lonxe.cerca, etc. A súa familia e amigos ensínanlle a aprender.

Pasámolo moi ben coa Asociación “Barriga Verde” e o seu espectáculo de teatrillo.

O martes, 1 de outubro, “Xogando nas nubes” ensinounos a facer o noso propio libriño interactivo. As nenas e os nenos desfrutaron creando  cabazas, arañas e moitas terroríficas cousas máis que emerxían do papel.

Pasámolo fenomenal !!!

Este martes 1 de outubro na Biblioteca de Viana do Bolo contamos coa actuación do Mago Bugarín, un espectáculo onde o humor e a maxia fixo que fora unha tarde moi emocionante e divertida para toda a familia.

“Eu vou comigo” ensínanos a aceptar as nosas peculiaridades e que podamos aprender a ser felices tal e como somos.

Este luns 30 de setembro mergullámonos nas lendas galegas da man da compañía teatral Tarabelos e o seu espectáculo “Debulendo… lendas galegas”. Xacias, dragóns e outros seres mitolóxicos tomaron vida na nosa biblioteca a través de historias debuxadas coa técnica do kamishibai, narracións nas que tamén puido participar o público coas súas propias ilustracións e converténdose nun personaxe máis de cada lenda.