Onte día 14 de outubro, visitou a Biblioteca do Froxel “Fco. A. Vidal” de Arteixo, BETTY QUEIRO coa súa proposta de atopar o teu camiño. Unha actividade baseada nun conto “podes atopar ou teu camiño” dun grupo de estudantes que atopan seu camiño a través de ideas valiosas grazas a súa curiosidade e creatividade naturais, e aprendendo inglés e galego nunha actividade musical moi divertida e interactiva coa rapazada.

Ao final da actividade os nenos e nenas, todos xuntos, realizaron un debuxo con moito colorido e imaxinación.

Onte día 7 de outubro, visitou a Biblioteca de O Froxel de Arteixo, Antón Ke, presentando “A Gaita Galega”.

Actividade baseada na obra “A gaita galega” de Xoan Manuel Pintos, na que por medio dun conto adaptado da obra e poemas musicados ao ukelele reflexionou cos cativos sobre a importancia do uso da nosa lingua.

Onte día 30 de setembro, visitou a Biblioteca de O Froxel de Arteixo, “A Fada Diana” da man de Ariadna Santana. Cun gran despregamento escénico, foron aparecendo personaxes en forma de animais, cunha temática baseada no reciclaxe e a fada diana liderando unha aventura como auténtica salvadora do mundo, acompañada de baile e canticos que fixeron gozar aos usuarios que participaron nalgúns dos contos.

Onte Martes 15 de outubro, deleitounos a compañía BANDULLO AZUL con contos narrados por unha invitada moi especial chamada Filipa acompañada de Fran Campos, quen ao ritmo da súa guitarra, fixo participar á rapazada con xogos de memoria cantados. Un éxito de participación e diversion.

O MARTES 1 de outubro, Mª ELENA G. ARCAS fixo un marabilloso taller experimental na Biblioteca de O Froxel “Fco. A. Vidal” – ARTEIXO.

Os debuxos de Castelao cóntannos: “Cousas de Nenos”. Descubrimos a partír da súa arte a nosa historia.

Unha actividade que celebra os procesos migratorios que caracterizan a Galicia de onte e hoxe, a riqueza, a diversidade, o econtro.

Foi todo un éxito de participación.

O MARTES 8 de outubro, visitou a Biblioteca de O Froxel “Fco.A.Vidal”- ARTEIXO – PACO NOGUEIRAS-, cunha actividade desenvolvida a través da música, contando con cancións moitas das seccións do xornal !EXTRA!! . Gran participación da rapazada bailando e facendo coros.

O 10 de outubro Esperanza Mara a cargo de EMANARTE, presentou na Biblioteca de O Froxel “Fco. A. Vidal” de Arteixo, o seu espectáculo contando e cantando historias sobre animais e instrumentos musicais rematando con canto lirico que fixo a delicia dos asistentes mais pequenos e tamén dos maiores

O día 03 de outubro presentamos a BIOSBARDOS na Biblioteca de O Froxel “Fco. A. Vidal”, a cargo de Jorge López, quen nos trouxo un conto moi especial escrito polo seu fillo Martín cando tiña 13 anos de idade, titulado “Como axudo a Antón”. No conto, exponse diferentes situacións ás que se ten que enfrontar Antón, e coa axuda da rapazada escóllese cal é a maneira de actuar máis adecuada segundo cada cal. Unha actividade formativa en valores con gran participación dos asistentes

O dia 26 de setembro veu visitar á Biblioteca de O Froxel “Fco. A. Vidal” de Arteixo, uns artistas moi especiais que mais que contar cantaron os contos e trouxéronnos música e ritmo ao son da gaita e a guitarra.

Trátase de AS JALOCHAS que coa súa actividade “RITMANDO” fixeron cantar e bailar á rapazada e aos maiores acompañantes.

O dia 18 de outubro, Al Guanella tróuxonos a nosa Biblioteca, unha cadeliña chamada Tana, facendo o espectáculo  teatral “CONVERSAS CON TANA”, baseado na ventriloquía, coa participación da rapazada e os maiores que disfrutaron moito desta actividade.