Na Biblioteca Municipal de Dorneda aconteceu un obradoiro “Da árbore ao libro” da man de Cuarto de inverno, o día 6 de outubro ás 17:30 h., no que nenos e nenas disfrutaron confeccionando un libro partindo de cero, coa súa cuberta e libriño debidamente decorados. Martín, o monitor encargado da actividade, explicoulles a todos, con anterioridade, un pouco a historia de cómo se fai un libro e de tódolos responsables do proceso. Os rapaces quedaron contentos co resultado e entenderon moi ben a explicación de Martín. Todos se foron felices para casa despois de pasar un anaco educativo, divertido e agradable.

Onte, 29 de setembro, tivo lugar, na Biblioteca Mª José Ruso de Dorneda, un espectáculo de maxia, dentro de Ler conta moito, do Mago Rafa chamado “AbracaLibro”, para nenos e nenas a partir de 5 anos, acompañados dos seus pais. O Mago Rafa deleitóunos con varios trucos de maxia, entre eles, trucos con cartas de póker, trucos cunha bolsa de plástico e un ovo ou trucos con números mais unha calculadora facendo operacións imposibles. Pequenos e maiores quedaron abraiados con ganas de ver máis sorpresas e descubrir o maravilloso mundo da maxia. Apto para tódolos públicos.

A Biblioteca Municipal Mª José Ruso de Dorneda (Oleiros) acolleu este luns 22 de setembro o obradoiro “Olimpiada tecnolóxica” da man do artista Robótica creativa. Os nenos e nenas participantes tiveron que deseñar a figura dun coche con pezas de Lego con motor incluido para logo facer carreiras e facer que se movera. Destacou a imaxinación dos rapaces que non se esqueceron de poñerlle adornos ós vehículos con bandeiras e bonecos. A diversión estivo asegurada.

Este luns 7 de Outubro a nosa biblioteca acolleu un creativo e entretido obradoiro de libros pop up da man de Xogando nas nubes. Con papel, cola e tesoiras as nenas e nenos participantes divirtíronse aprendendo diferentes técnicas para poder crear cadanseu libro en 3D inspirándose na festa do Samaín.

Este luns 30 de setembro mergullámonos nas lendas galegas da man da compañía teatral Tarabelos e o seu espectáculo “Debulendo… lendas galegas”. Xacias, dragóns e outros seres mitolóxicos tomaron vida na nosa biblioteca a través de historias debuxadas coa técnica do kamishibai, narracións nas que tamén puido participar o público coas súas propias ilustracións e converténdose nun personaxe máis de cada lenda.

A Biblioteca Municipal de Dorneda (Oleiros) acolleu este luns 20 de maio o taller “Coas mans na masa” da editorial Oqo. Partindo do conto de Eva Mejuto “Maruxa”  as nenas e nenos puideron crear a súa escena favorita da historia de Maruxa e Pepiño, empregando coma ingredientes principais masa de pan, cores e moita, moita imaxinación.

“2ª Galicia coa maxia” un sorprendente e divertido show de ilusionismo a cargo do mago Pedro Bugarín na Biblioteca Municipal de Dorneda (Oleiros). Un espectáculo cheo de xogos e trucos ilusionistas que deixaron abraiados aos asistentes.

Este luns 2 de Outubro a rapazada da Biblioteca Municipal de Dorneda participou nunha emocionante escape room. A monitora, Antía Yáñez, transformou a nosa sala infantil na escena dun crime: un cadáver, pistas, candados, quebracabezas e posibles sospeitosos. O equipo investigador tivo 60 minutos para atopar as pistas, resolver o caso e descubrir ao asasino.

Este luns 22 de maio na Biblioteca Municipal Mª José Ruso de Dorneda (Oleiros) tivemos un didáctico e creativo obradoiro de pintura, da man de Babaluva Teatro. As nenas e nenos participantes puideron coñecer a obra de mulleres artistas coma Maruxa Mallo, Sonia Delaunay ou a fotógrafa Ruth Matilda Anderson, para despois crear o seu propio autorretrato. Foi unha tarde na biblioteca chea de imaxinación e moito arte!!.

Este Luns 10 de Outubro na Biblioteca Municipal Mª José Ruso de Dorneda (Oleiros) a maxia de Leo Leíño transportounos coma peregrinos polo Camiño de Santiago. Da man da peregrina Exeria e seguindo as instruccións do Códice Calixtino puidemos aprender historias e costumes do Camiño e abraiarnos cuns sorprendentes e divertidos trucos de maxia.