O venres 6 de outubro, tivemos a visita de Charo Pita co seu espectáculo para bebés O curral de Cocoricoricó.
A avezada contadora enfeitizou aos nosos/as pequerrechos/as coas súas cancións, contos e rimas.
Tarde na que os asistentes, gozaron cunha sesión divertida, lúdica e chea de ledicia e agarimo.
O venres, 14 de outubro, visitounos o Mago Paco, co seu espéctaculo de maxia mesturado con xogos e contos no que os nenos/as participaron continuamente.
Pasamos unha tarde moi divertida na que as gargalladas, a espontaneidade e como non o asombro dos máis picaros, fixeron a ledicia dos asistentes.
Este venres, 7 de outubro, tivemos un obradoiro de crear fósiles de dinosauros da man de Jon e Laura, monitores de Maumuarela.
Tivo moi boa acollida por todos os nenos e nenas participantes.
No proceso estiveron atentos os pasos a seguir, asi como na súa elaboracion.
Tarde especial, participativa e dinámica de experimentación .
O venres, 23 de setembro, contamos coa visita da Compañía Elefante Elegante e o seu espectáculo “ O Xigante” creado a partir do conto de Oscar Wilde. A sesión transcorreu da man dun gran profesional, tanto da narración coma do teatro xestual. A constante presenza da música, axudado polo atrezo variado fixo a ledicia dos asistentes.
Tanto os nenos e nenas coma os adultos ficaron engaiolados co que estaban vendo.
Tarde de venres para lembrar e repetir.
O día 27 tivemos a visita de Xanela Ocio que viunos a amosar o seu espéctaculo Érase un sombreiro.
Contounos “ O sombreiro Chichiriteiro” de Manuel Rivas e outros contos nos que o fío conductor era o sombreiro.
Pequenos e maiores estiveron moi atentos e entretidos durante toda a sesión, e, como pode verse, moi participativos.
O venres 16 de outubro tivemos a visita dunha maga moi especial, LeoLeiño, acompañada da súa axudante Cristina e unha peculiar coelliña de indias. Entre o abraio e a risa, Leo fíxenos pasar unha divertida tarde onde non faltaron as variñas máxicas, as super “varotas”, libros con lume, e moitos outros trucos de maxia que engaiolaron tanto aos rapaces coma aos adultos que asistiron ao espectáculo.
Divertidos xogos de maxia, cunha boa posta en escena, fixeron disfrutar a todos os asistentes desta actividade na Biblioteca de San Pedro de Nós en Oleiros
Participación entusiasta por parte do público tanto infantil como adulto que se rendiu aos trucos de maxia de Chrystian Magic . Espectación, risas e grandes sorpresas foron os protagonistas dunha calurosa e máxica tarde na biblioteca.
O venres 22 de maio, na biblioteca de San Pedro de Nós, asistimos a unha clase maxistral de Contacontos da man de Pablísimo.
Cunha habilidade increíble, conseguiu arrancar as gargalladas de grandes e pequenos.
A posta en escena estivo moi ben traballada : instrumentos musicais moi orixinais, cantar de cego ilustrado con viñetas, xogos coas letras…
Ademáis de divertida, a actividade resultou moi enriquecedora para o público asistente xa que introduciu partes da literatura tradicional como a literatura de cordel que de seguro que as rapazas e rapaces non coñecían.
O venres, 10 de outubro, a compañía de teatro Elefante Elegante levou o seu espectáculo “O aviador” á Biblioteca de Nós.
Un aviador que recorría o mundo fíxose amigo dun moucho ao que lle molestaba a luz do sol. Entre os dous intentaron buscar unha solución axudados polo seu amigo o vento.
Luz, escuridade, sombras chinesas. Todo un espectáculo de luces e sombras que non deixou indiferente a ninguén.
O venres 3 de outubro, as rapazas e rapaces que estaban na Biblioteca Ánxel Fole de San Pedro de Nós viaxaron arredor do mundo da man de Raquel Queizás.
Lendas sobre as estreas do ceo, a orixe da pel raiada dos tigres ou a forma dos coellos transportaron a todo o público asistente ao continente africano, asiático e americano.
Bonitas historias cargadas de culturas de outros mundos, sen esquecer a simpatía e o humor, foi o que trouxo Raquel Queizás, co seu espectáculo “A Orixe”, a este rinconciño do noso planeta chamado San Pedro de Nós.
Séguenos