“Abracadabra!!”, maxia con Carlos Coira na Biblioteca P.M.”Manuel María” de Oleiros
Na tarde do martes 14 de outubro tivemos na biblioteca una sesión “máxica” con Carlos Coira. Profesionalidade impecable e bonhomía no artista e ledicia e abraio por parte dun público miudiño moi activo e rebuldeiro. Unha sesión divertida e con moitas risas que pasou nun suspiro!
“Contos que deixan pegada” na Biblioteca P.M.”Manuel María” de Oleiros con Pavís Pavós
Onte, martes 7 de outubro tivemos na Biblioteca P.M. “Manuel María” de Oleiros unha sesión de contos orientada a transmitir
valores, sen caer no didactismo e afastándose de moralismos. Contos narrados con maestría e que tratan das diferenzas na sociedade, a homofobia, o racismo, o machismo, as desigualdades.
Obradoiro con Larraitz na Biblioteca P.M.”Manuel María” de Oleiros
O pasado martes 15 de outubro tivemos na Biblioteca P. M. “Manuel María” de Oleiros un obradoiro de títeres con Larraitz. A actividade comenzou con puntualidade, e dun xeito rápido e eficaz as/os participantes comenzaron a elaborar os seus títeres. Tiñan ao seu dispor abundancia de pinturas, esponxas, pinceis, etc. Por simple “precaución” vestiron unas protecións de plástico co gallo de minimizar as manchas na roupa. Durante os case 70 minutos que durou o obradoiro se traballou arreo baixo a direción e guía de Larraitz. Os participantes se entregaron con entusiasmo nas tarefas artísticas e esto deu como resultado que cada un fixo o seu monicreque. Cumprida esta fase, cada nena/o inventou un conto para narrar co seu títere. Nestas pequeñas historias tivemos abundancia de monstros, serpes, etc., e os finais adoitaron ser bastante bruscos. Todos os pequenos artistas marcharon contentos e satisfeitos do traballo feito.
Larraitz na Biblioteca P.M.”Manuel María” de Oleiros
Divertidísimo contacontos o que tivemos na Biblioteca P.M. “Manuel María” de Oleiros o martes día 1 de outubro a cargo da artista Nati, da compañía Sarabela Teatro. Os contos incidían nas bondades dunha alimentación variada e o público noviño asistente participou activamente na actividade, sorprendendo as veces pola boa información que amosaban sobre o tema.
Ela narrou as súas historias, sendo interrumpida moitas veces polas risas e gargalladas; cando xa pasaba a metade da actividade varias asistentes choraban coa risa. Ao rematar o evento todos tiñamos una enorme sonrisa na cara e ledicia no corazón.
A tarde do 24 de setembro a contadora Carmen Domech divertíunos co seu espectáculo “Contacontos de libros contentos”. A artista mantivo o interés do público asistente con moita maestría e dominio das técnicas narrativas.
Os destinatarios directos da actividade eran xente miudiña de idades entre tres e seis anos, estes miraban abraiados os diversos “trebellos” que acompañaban a Carmen Domech na súa narración. Ela foi que de manter o interés nun grupo moi heteroxéneo e tamén de “pillar” a atención dos adultos acompañantes. Ao remate falou e comentou con todos a feitura dos elementos empregados na actividade, todos eles de feitura exclusiva da artista. Ler máis →
Séguenos