O alumnado de 4º, 5º e 6º de Primaria do CEIP Xosé Luis Taboada disfrutou dunha sesión moi divertida na que dou renda solta a súa imaxinación creando o Fotoconto titulado “As aventuras do Mago Merlín”, que gracias ós seus poderes máxicos se fixo amigo destes rapaces e disfrutaron de multitude de aventuras por terra, mar e aire.

Leo Leíño e a súa compañía foi a responsable dunha tarde de sábado chea de diversión e sorpresas na que o público asistente o pasou en grande participando activamente nos trucos de máxia que fixo na Biblioteca Municipal de Carballedo.

A modo de peche deste mes tan intenso das Letras Galegas, @s rapaces de Carballedo participaron nunha actividade na Biblioteca do CEIP Xosé Luis Taboada que despertou o seu interese e curiosidade. Xogaron a construir unha morea de palabras en tódolos idiomas que coñecían…unha sesión lúdica e a vez educativa que pretendía promover a importancia do respecto polas diferentes linguas.

O cociñeiro Antón e a pasteleira Tomasa fixeronlles unha visita moi especial este mércores ó alumnado do CEIP Xosé Luis Taboada, da Barrela. Na Biblioteca do centro, 58 nen@s de Infantil e Primaria gozaron coas historias e argalladas destes dous expertos dos fogóns….e fixeron as súas propias creacións coa pasta de azúcre “fondant”.

O duende “DADA” transportou @s máis cativos a un mundo cheo de máxia dende a Biblioteca Municipal de Carballedo, a través de contos que despertaron a súa imaxinación.

O público asistente a esta actividade coñeceu a través dos monicreques a importancia de coidar o medio ambiente e o proceso da producción, elaboración e manipulación da mel nunha tarde moi divertida e a vez educativa.

A Biblioteca do CEIP Xose Luis Taboada da Barrela foi o lugar elexido para deixarnos levar pola imaxinación cos “CONTOS AO REVÉS”. Durante unha hora @s nen@s de Primaria interactuaron co rei dun lonxano pais no que as bruxas e os lobos eran bos, os príncipes feos e o rei da selva era unha muller e non un home.

A través desta sesión, uns 50 nenos e nenas traballaron dun xeito divertido e ameno a igualdade e o respecto.

A Biblioteca do IES Val do Asma de Chantada acolleu unha actividade de coñecemento da vida e obra dun dos grandes pintores dos S.XIX-XX, Vincent Van Gogh, titulado “UN DÍA CON VAN GOGH”, na que participou o alumnado de Carballedo e Chantada, de 1º e 3º da ESO.

A compañía Crearte, que foi quen impartiu o obradoiro fixou unha sesión teórico-práctica na que se lles amosaron ós/ás rapaces unha  pequena mostra das obras deste singular artista,  así como algunhas características da súa pintura e anécdotas da súa intensa e curta vida.

O xoves día 27 de marzo @s nen@s de Infantil e 1º e 2º de Primaria do CEIP Xosé Luis Taboada disfrutaron do contacontos “A CIENCIA É DIVERTIDA” na Biblioteca do centro.

Nunha primeira parte da actividade, coa que se pretendía o fomento da lectura, da creatividade e da experimentación, Ana Romero Porto, narrou tres contos….

E despois….fixo, coa axuda d@s nen@s varios experimentos con utensilios da vida cotiá, como por exemplo, inchar un globo sen aire, elaborar con auga e pintura estrelas máxicas ou facer unha lampada fluorescente…. Tódolos experimentos deixaron ó público abraidado…