O mércores 15 de outubro os nenos e nenas do CEIP As Bizocas disfrutaron dun espectáculo entretido e moi participativo a cargo de Ghazaflhos.  Mon e Pe propuxeron aos nenos e nenas interpretar aqueles contos elexidos sobre lobos. Asi, contouse o conto dos Tres Porquiños, o de Carapuchiña e o dos Sete cabritiños.

O martes 13 de maio tivemos na Axencia de Lectura de San Vicente a Maria Faltri co espectáculo “Coa Pandeireta na man” para todos os nenos e nenas do CEIP As Bizocas do Grove

Cantamos e bailamos todas as cancions mais coñecidas da nosa tradicion popular  dunha maneira mais moderna. Tivo en pe en todo momento ao publico que ainda que empezou un pouco timido acabou subindo ao escenario a compartir e cantar as cancións con ela.

O mércores 22 de maio os nenos e nenas do CEIP As Bizocas desfrutaron na Axencia de Lectura de San Vicente da biografía de Luisa Villalta.

Polo Correo do Vento contou e ilustrou a historia da homenaxeada deste ano nas Letras Galegas. Dunha forma divertida, amena e acompañada de música fixemos un recorrido pola súa vida e os momentos mais importantes dela.

Rematamos cun obradoiro de ilustración onde seguindo os paso s de Tania os presentes puidemos demostrar as nosas mañas co debuxo.

Este mércores, 17 de abril,  pola mañan na Axencia de Lectura de San Vicente, os nenos e nenas do CEIP As Bizocas disfutaron dunha sesión circense moi especial. Os números máis importantes do circo aparecen en escena grazas as marionetas de fíos,  levándonos a época máis dorada do circo. Onde forzudos, equilibristas, domadores, faquires facían as delicias de todos os que alí acudían.

Unha actividade moi participatica na que en todo momento os nenos e nenas interactuaban cos vellos traballadores daquel circo para axudalos e animalos a representar os números circenses mais importantes.

Espectáculo a cargo da compañia Tanxarina Teatro que nunca defraudan e onde os mais pequenos e non tan pequenos disfrutamos dende o minuto 1.

Viravolta Títeres achegou ata a Axencia de Lectura de San vicente o seu espectáculo de títeres “A nena que rega a alfabaca e o príncipe preguntón”. Un retablo, unha guitarra e títeres de luva para contar os namoramentos da falangueira filla do zapateiro e un príncipe sabichón.

Á función asistiu o alumnado de Educación Infantil e Primaria do CEIP As Bizocas.

A nosa pasteleira Tomasa e o cociñeiro Antón contaronlle aos nen@s do CEIP As Bizocas como gañaron o premio “Master Coemllón”. Divertida aventura na que cativos e maiores participaron dende o minuto un.

Despois do conto realizouse un obradoiro de cocina de chocolate cos nen@s e profesores do CEIP AS Bizocas.

O martes 16 de maio os nen@s do CEIP As Bizocas tiveron unha maña moi reivindicativa. O Mago Paco coa súa maxia traballou algo tan importante como a igualdade, o respecto, a tolerancia, etc…

Todos os nen@s, ata os mais cativos, participaron desta maxia co Mago Paco e aprenderon que as diferencias fannos ser únicos.

Este martes na Axencia de Lectura de San Vicente puidemos desfrutar dunha actividade moi interesantes. Descubrimos a técnica de Stop Motion para realizar unha animación dun conto. Os rapaces e rapazas crearon as marionetas dos personaxes do conto “Onde viven os monstros” de Maurice Sendak para despois crear a animación deste conto coa técnica Stop Motion.

Este martes 9 de agosto a Escola das Utopias convidounos a participar no xogo “Parti da Igualdade”
Nunha primeira parte do obradoiro, os nenos e nenas participantes realizaron a súa propia ruleta do xogo para poder xogar en casa. A continuación, divididos en grupos os nenos e nenas tiveron que poñer en práctica o xogo realizando diferentes probas e preguntas encamiñadas a rachar cos estereotipos e roles machistas.

No día de onte na Axencia de Lectura de San Vicente disfrutamos dun obradoiro moi interesante e divertido.

Con algo tan simple coma un anaco de cartón os nen@s pasaron un par de horas creando o seu boneco ou monicreque. Cada un dos participantes moi atentos as explicacións de Ton construíron un monicreque e personalizárono.