Expresión Produccións achegou ata a Axencia de Lectura de San Vicente o seu espectáculo “Conto contigo” que fixo as delicias de grandes e pequenos.

Nesta tarde de contos tivemos a ocasión de coñecer a Julia unha nena a que lle encantaban os contos e descubriu un lugar máxico onde había unha chea de contos, a Biblioteca. Para poder levar contos tiña que ser socia da biblioteca e polo tanto fixo o carne. Pero so podía levar un conto. ¿Como ía a facer se lle gustaban todos os que alí estaban? Ao final, por arte de maxia, conseguiu levarse na súa mochila a todos os personaxes dos contos clásicos que mais lle gustaban.

Tamén coñecemos a Juanito que desexaba ter unha mascota pero a súa nai non lle gustaba ningunha que lle traía (elefante, león, gorila, xirafa). Despois de moito cavilar atopou a mascota ideal, un cadelo.

O sábado 9 de maio Polo correo do vento achegou ata a Axencia de Lectura de San Vicente o seu espectáculo “A volta ao mundo en oito máquinas”.

Un contacontos ilustrado e musicado que trata sobre unha viaxe arredor do mundo e que homenaxea autores como Julio Verne, os Beatles ou Marilar Alexandre, que rematará cun obradoiro de debuxo sobre un personaxe da historia.

Ao final do contacontos, grandes e pequenos aprenderon a debuxar unha personaxe do conto e colorearon diferentes escenas do mesmo.

Outra fantástica mañá de sábado na Axencia de Lectura de San Vicente

O sábado 18 de abril a Axencia de Lectura de San Vicente acolleu o espectáculo O traxe novo do Rei a cargo de Tarabelos Teatro.

Esteban Acuña representou este contacontos ilustrado con  monicreques de  boca, monicreques de mesa e miniaturas.

Unha posta en escena de gran calidade na que tanto o decorado como os monicreques e miniaturas foron elaborados polo propio Esteban.

Fantástica mañá de sábado no que, non só os máis pequenos, se non tamén os maiores que os acompañaron puideron pasar unha mañá de lecer disfrutando  deste magnífico espectáculo.

Os ratos de Lonxedetodo estiveron na Axencia de Lectura de San Vicente para entreter a todos os asistentes con contos, cancións e bailes.

Promover hábitos saudables na alimentación desde os contos e fomentar o uso da biblioteca e a lectura, son os obxectivos de “Aventuras na Cociña”, contacontos teatral protagonizado polos Ratos da Biblioteca.

Ao final todos os asistentes cantaron e bailaron ao ritmo das cancións de Lonxedetodo.

Solidaridade Internacional achegou ata a Axencia de Lectura Municipal “Contos do Mundo: unha viaxe polo mundo a través dos contos”, esta vez visitando America Central a través dos relatos de Irene.

O venres 17 de outubro visitou a Axencia de Lectura de San Vicente a nosa amiga Irene, filla de cooperantes, que viaxou por moitos países, quen nos amosou un anaco dun dos países de América Central, Guatemala. Comezou esta viaxe cos acordes da “Marimba” (un instrumento parecido a un xilófono) moi popular en América Central. Utilizando fotografías foi presentándonos este fantástico país: a súa xeografía, as súas xentes, costumes, bailes, contos, etc.   

Nas súas viaxes sempre coñece a moita xente e neste caso, coñeceu a unha muller que lle contou un conto popular de Guatemala. O conto titulábase: O home que se transformou no sol. Coa participación dos nenos e cun xogo de cores relatou esta historia na que se nos describe como naceu o Sol.

Todos os asistentes pasaron una tarde de lecer, escoitando as narracións de Irene, aprendendo os costumes de Guatemala, bailando ao compás da música e divertíndose moito.

Polo Correo do vento achegou ata a Axencia de lectura de San Vicente un divertido contacontos ilustrado no que se realizaba unha maridaxe entre a narración e a ilustración: mentres o narrador contaba a historia, o ilustrador realizaba un mural relacionado coa historia que se relataba.

Ao rematar o conto fixeron unha pequena rolda de prensa durante a cal os asistentes podían facer preguntas, realizar comentarios ou expoñer as súas queixas.

A actividade completouse cun mini-obradoiro de ilustración no que grandes e pequenos  aprenderon a debuxar as personaxes da historia guiados polo ilustrador.

 Finalmente, entre todos os nenos e nenas, colorean as escenas do conto realizadas polo ilustrador.

 Unha fantástica mañá de sábado na Axencia de Lectura de San Vicente

Expresión Produccións achegou ata a Axencia de Lectura “Conto contigo”, un espectáculo de animación á lectura cunha selección de contos, apoiándose nos monicreques e da maxia, creou un espectáculo moi dinámico onde todos participaban.

A narración oral viña acompañada pola manipulación de animais de xoguete, libros e obxectos escénicos que saían da maleta do narrador e que era o nexo común da narración.

Nun principio o narrador pregunta aos participantes se atoparon a Flint,  un rato de biblioteca de cor branco, e fai mención do uso responsable dos libros como ferramenta de coñecemento, preguntando aos nenos e nenas se sabían como tratalos.

Despois contou un primeiro relato sobre  as peripecias de Juan, un neno que desexaba unha mascota, aludindo á actitude responsable das persoas ao ter una mascota. Utiliza a vocalización para cada unha das personaxes. Despois do conto pediu aos nenos que subiran ao escenario a imitar un animal que o publico tiña que adiviñar.

No segundo relato, O tiburón Conrado, conta as peripecias dun tiburón que naceu sen dentes e que so comía algas e vexetais e que, ao ser diferente, era obxecto de burlas polos demais da manada  polo que decidiu marchar. Os asistentes aprenderon unha canción que interpretaron nalgúns momentos do conto co narrador.

Para rematar, o narrador solicitoua a axuda de dous nenos do público que souberan  ler e escribir  para a realización dun truco de maxia que deixou a todos os asistentes abraiados.

O artista ao final da sesión fixo unha enquisa sobre o visto no espectáculo , preguntando que partes da actividade gustaran mais  e o grado de aceptación do público ao que ía dirixido.

Preto de 50 nenos e nenas acompañados dos seus familiares asistiron a “Conto contigo”. O artista engatusou a grandes e pequenos cun ameno espectáculo, onde o espectador estivo participativo dende o principio para axudar ao desenvolvemento das historias.

O venres 4  de outubro ás 18:00 na Axencia de Lectura de San Vicente (O Grove)  tivemos  “Contos para todos” a cargo de Manuel Solla  (Expresión Produccións). Os asistentes disfrutaron dunha sesión divertida na que todos participamos moi activamente na narración dos contos.

Mira como cho conto!! a cargo de Xanela Ocio e animación

9 de maio, ás 18:00 h, na Axencia de Lectura Municipal de San Vicente

Mira como cho conto!! trataba de ilustrar un conto ao mesmo tempo que se estaba a escoitar, para facerse unha idea máis ampla do que estaba a ocorrer.

Os contos foron os seguintes:

• O señor Ramón e a Señora Ramona de Beatriz Montero
• A maceira que daba calquera cousa menos mazás de Pinto & Chinto
• A Princesa do Caurel de Javier Solchaga

Como era a primeira vez que faciamos unha actividade de contacontos nesta biblioteca, o  público foi un pouco tímido ao principio, pero enseguida comezaron a entrar, non só nenos e nenas, se non tamén adultos.

Os contos engatusaron aos asistentes e os contadores interactuaron co público, facendo que grandes e pequenos debuxaran, interviñeran e contribuíran ao desenvolvemento da actividade, conseguindo a súa implicación e mantendo en todo momento a súa atención.