No día de onte na Axencia de Lectura de San Vicente disfrutamos dun obradoiro moi interesante e divertido.

Con algo tan simple coma un anaco de cartón os nen@s pasaron un par de horas creando o seu boneco ou monicreque. Cada un dos participantes moi atentos as explicacións de Ton construíron un monicreque e personalizárono.

Este martes 12 de xullo na Axencia de Lectura de San Vicente tivemos unha sesión científica moi divertida da man de Heroes para a Ciencia.
Os nen@s realizaron experimentos de forma divertida e aprenderon moitas cousas sobre a ciencia. Todos os nen@s, dende os mais pequenos ao mais grandes disfrutaron desta actividade.

Gemola achegou ata a Axencia de Lectura de San Vicente un interesante obradoiro de ciencias.

A rapazada asistente aprendeu a  facer sinxelos experimentos como Gusanos bailaríns, letras de cristal, arco iris líquido, globos máxicos… dunha forma moi, moi divertida.

Pode que de aquí saian futuras científicas e científicos.

O martes 10 de agosto na Axencia de Lectura de San Vicente os nen@s asistentes axudaron a Daniela a cumprir un dos seus soños, ser pirata. Pero non vai a ser fácil xa que os piratas consideran que as nenas non poden ser pirata.

Conto interactivo onde os cativos superaron as cinco probas necesarias para chegar a ser uns auténticos piratas. Unha aventura trepidante onde os nen@s disfrutaron e divertíronse coas diferentes probas ademais de traballar a igualdade de xénero.

Nesta historia Aldara comeza a súa primeira viaxe lonxe da casa, pero non estará soa terá a axuda de Lebre, Pallaso e Aguia  e con eles buscará o Fogar das Estrelas.

A música foi a parte fundamental desta historia xa que a nosa protagonista toca co acordeón o “Pasodobre de San Roque” que nos acompañará durante toda a súa viaxe.

Unha maña moi divertida na que os nen@s estiveron moi atentos e participaron en todo momento da historia e da que saimos todos “tarareando” o Pasodobre de San Roque

O obradoiro de marionetas de papel con Seisdedos Marionetas foi todo un exito. As pequenas e pequenos conseguiron facer as súas propias marionetas dando renda solta á súa imaxinación e creatividade. Durante esta actividade puideron por en práctica as súas habilidades cumprindo todas as medidas sanitarias, foi un pracer tervos aquí!

Charo Pita achegou ata a rapazada na Axencia de Lectura de San Vicente “Aventureiras intrépidas”, espectáculo de contacontos sobre igualdade de xénero aderezado con algunha canción, no que contou historias sobre aventureiras reais e ficticias, que grazas a súa intelixencia e tenacidade foron quen de plantearse preguntas que as levaron a explorar de diferentes maneiras o universo.

Unha fantástica tarde de contos e lectura

O martes 18 de agosto tivemos na Axencia de Lectura de San Vicente a visita dunha ratiña de biblioteca, Lili Gruyere, cun axudante moi especial “O Coelliño Branco”. Divertida mañan na que entre contos e maxia gozamos das historias que nos contaron: Lucia Cotriñas e O Coelliño Branco…e sorprenderonnos cun espectáculo de maxia a dúo.

Este mércores 5 de agosto tivemos a oportunidade de coñecer ao ilustrador Luis Sendón e participar neste obradoiro tan especial. Nel os nen@s aprenderon a crear personaxes para logo a partir deles abordar as emocións, os estados de ánimo e a súa expresión. Disfrutamos dunha maña moi entretida onde aprendemos a identificar, mostrar e representar as nosas emocións.

O martes 4 de agosto a Axencia de Lectura de San Vicente convirteuse nun taller de robótica onde os rapaces e rapazas asistente puideron aprender fundamentos básicos desta materia. Dende o primeiro momento estivemos moi atentos as explicacións de Pablo Giménez e Pablo López. Comezamos coa preparación das nosas pantallas protectoras e para iso vimos como funcionan as impresoras 3D que fan o soporte destas pantallas. Despois tivemos unha pequena explicacion para a creación dun robot de limpeza. E paso a paso, coas pezas que nos proporcionaron, creamos o noso propio robot que puidemos levar a casa.