O venres 18 de outubro os rapaces e as raparigas da biblioteca do Milladoiro participaron no obradoiro “Constrúe o teu propio superheroe ou superheroína”, e deixando voar a imaxinación crearon uns personaxes peculiares e divertidos.

Laura Alonso propón, a partir de personaxes con superpoderes coñecidos, realizar os nosos propios personaxes soltando a imaxinación para darlle os seus superpoderes e as características que definen os seuperherois e superheroínas.

O pasado xoves 17 de outubro os nenos e nenas da biblioteca do Milladoiro puderon gozar dos contos e cancións cos que nos agasallaron Pavís Pavós.

Bruxas e animais axudáronnos con música e cancións a desfrutar de contos populares e tradicionais.

Pasámolo xenial.

Este mércores pasado os nenos e as nenas do Milladorio escoitaron atentamente ao Dr. Tilla e os seus remedios para prantar cara a enfermidade causada polo virus do  machismo.

Este mércores 2 de outubro na biblioteca do Milladoiro gozamos moito de escoitar ao Duende Dada e as súas historias cheas de humor e xogos. Unha estupenda maneira de traballar valores como a convivencia, a igualdade, o respecto polo medio ambiente e o traballo en equipo.

Coa galiña Carolina, á que lle encanta voar, o pasado xoves 26 de setembro, reflexionamos sobre a amizade, a igualdade e o respecto.

O pasado sábado 21 de setembro case quince rapaces e rapazas deron renda solta a súa imaxinación grazas ao espertar do seu lado poético que veu da man de Cristina Quiroga. Unha actividade moi interesante que deu como resultados preciosos video poemas cargados de mensaxes tolerantes.

O xoves 20 de setembro foron os cativos do Milladoiro os que puideron gozar da escoita de contos, de xogos de maxia, de cantar cancións e ata de imitar a animais da man de Manuel Solla e o seu espectáculo A maxia dos contos.

O pasado mércores 11 de setembro os nenos e nena que se achegaron a nosa biblioteca participaron dunha sesión, na que da man de Ana Hermida e contos coma Historia dos bonobos con lentes, Artur e Clementina ou Maruxa, entre outros, xogaron, escoitaron e reflexionaron sobre a igualdade entre xéneros.

O xoves 8 de agosoto 15 rapaces e rapazas do Milladoiro convertéronse en grandes escritores de historias pequerrechas con axuda de Patricia Núñez. Entre os resultados atopamos verdadeiras xoias!

O pasado martes 6 de agosto a biblioteca do Milladoiro organizou unha estupenda alternativa á praia invitando ao cociñeiro Antón e á pasteleira Tomasa. Con eles gozamos dunha estupenda sesión de contacontos que culminou coa elaboración duns apetitosos doces.