O venres día8 de maio adiantámonos na celebración do Día das Letras Galegas co obradoiro Gravado con Begoña Caamaño, no que os participantes puideron aprender sobre a técnica de gravado e profundizar na figura de Begoña Caamaño.

Dentro da programación do Día do Libro en Ames, o pasado venres 24 de abril recibimos a Aida Alonso co seu obradoiro Cal é o teu libro favorito?
A rapazada que participou na actividade constrúe ao seu personaxe literario favorito mostrándonos as súas habilidades artísticas que nos sorprenderon a todos.
Unha tarde divertida na que ademais de crear reflexionaron sobre os seus libros favoritos , os seus personaxes preferidos…

O pasado venres 24, na biblioteca do Milladoiro celebramos o “Día da biblioteca”, cun obradoiro no que os cativos poideron deixar voar a súa imaxinación para deseñar unhas mochilas chulísimas, empregando distintos tecidos e técnicas, o resultado foi magnífico.

O xoves 25, tivemos a sorte de poder gozar das historias e pócimas que a Alquimista nos trouxo ata a Bibliteca do Milladoiro, os cativos estiveron en todo momento moi atentos e participativos.

Adiantándonos á celebración do Día das Letras Galegas o venres 9 de maio os rapaces e rapazas do Milladoiro viaxaron no tempo desde as Pandereteiras de Mensa ata as Tanxuguerias elaborando o seu propio material artístico no que no que grazas á inclusión de códigos QR as persoas participantes xerarán una peza audiovisual. Unha actividade preciosa para repasar a poesía popular e as figuras clave da escena musical galega.

O pasado venres, 25 de outubro, os 15 rapaces e rapazas que participaron neste obradoiro crearon verdadeiras xoias para anotar as súas lecutras nuns preciosos cadernos que decoraron coa método Zentangle que lles deu a coñecer Elisabet e que consiste no en trazar patróns repetitivos que crea belas imaxes e fomenta a tranquilidade e a concentración.

O pasado venres 27 de setembro os 21 rapaces que se inscribiron neste obradoiro con Santy Gutiérrez debuxaron a súa propia páxina de banda deseñada aprendendo no proceso os recursos propios da linguaxe do cómic: dende o guión ao debuxo, onomatopeias, liñas cinéticas, planos e encadres, deseño de personaxes, estilos, etc. E todo isto nunha hora chea de diversión!

O pasado venres 3 de maio iniciamos con este obradoiro a programación do Día das Letras Galegas. Da man de Laura Romero os participantes traballaron a figura homenaxeada e a través da técnica de “book art”elaboraron os seus propios materiais.

Esta foi unha das actividades coas que estamos a celebrar a programación do Día do Libro. O venres 20 de abril 12 rapaces e rapazas do Milladoiro deron renda solta a súa imaxinación e crearon unhas orixinais ilustracións coas que crearon despois a súa propia caixa de luz. Cada participante levou para a súa casa a súa obra. Todas moi orixinais!! Pasámolo en grande con Carlos da Asociación Cultural Jóvenes Científicos y Emprendedores Atlantic .

Con este obradoiro no que os rapaces e rapazas que participaron elaboraron o seu propio libro despregable celebramos o Día da Bibloteca o pasado venres 20 de outubro. Con diferentes técnicas de pregados de papel elaboraron fermosos libros pop-up.