O xoves 8 de agosoto 15 rapaces e rapazas do Milladoiro convertéronse en grandes escritores de historias pequerrechas con axuda de Patricia Núñez. Entre os resultados atopamos verdadeiras xoias! 
O pasado martes 6 de agosto a biblioteca do Milladoiro organizou unha estupenda alternativa á praia invitando ao cociñeiro Antón e á pasteleira Tomasa. Con eles gozamos dunha estupenda sesión de contacontos que culminou coa elaboración duns apetitosos doces.
O venres día 26 de outubro visitou a biblioteca do Milladoiro, Patricia, do Faiado de Nin. Ela axudounos a deseñar unhas fantásticas mochilas para gardar os libros que levamos en préstamos da biblioteca, por exemplo. Un obradoiro marabilloso para celebrar tamén o noso día, o Día da Biblioteca. Os rapaces gozaron moito e fixeron preciosos e orixinas deseños.
O pasado xoves 20 de setembro na biblioteca do Milladoiro puidemos gozar das historias narradas por un dos ratos de Lonxetodo, a ratiña Lilí Grúyer. Da súa man viaxamos por fermosas historias protagonizadas por tenros e orixinais avós. Todo un éxito!
O venres 25 os nenos e nenas inscritos puideron gozar, na biblioteca do Milladoiro, do obradoiro Navegando entre papel e contos Mar Adiante creado por Xandobela. Unha estupenda ocasión para coñecer de primeira man a obra de María Victoria Moreno adentrándose no universo creado por ela en Mar Adiante. Ademais os particpantes puideron dar renda solta ás súas habilidades plásticas creando figuras mariñas en papel.
O pasado venres a biblioteca do Milladoiro encheuse de pequenos ilustradores grazas ao traballo de Minia Regos. Os nenos e nenas que participaron demostraron posuír unha gran imaxinación e unhas grandes dotes plásticas.
Para despedirnos na última sesión de contacontos deste curso, tivemos a Fátima Férnandez o luns 12 na Biblioteca de Milladoiro.
Contounos e musicou contos tan entretidos como o de “Violín”, “10 patiños de goma” e “Bárbaro” esta última era unha fermosa historia sen palabras que adicou a os pais que estaban presentes.
O pasado venres día 19 realizamos na biblioteca de Milladoiro“O gran xogo sobre as Letras Galegas” con Eduvía.
Foi unha actividade onde os nenos participaron moi activamente e gozaron cos xogos propostos, que consistían en que cada grupo tiña que ir pasando distintas probas e gañando “minipuntos”.
O mércores día 10 de maio tivemos o pracer de ter con nós a ONGD Solidariedade Internacional de Galicia.
Na sesión a protagonista contounos que era filla de cooperantes e que por iso tivera a sorte de percorrer unha chea de países en vías de desenrolo, viaxamos por Guatemala, a India e por varios lugares do continente africano. Foi unha sesión divertida e moi interesante, onde pequenos e grandes apréndemos unha chea de cousas.
Na Biblioteca Municipal de Milladoiro, estamos a celebrar este mes dos libros con unha chea de actividades, entre elas tivemos o pracer de contar o xoves día 20 con Andrea e o seu espectáculo “Mergullámonos?”
Foi unha actividade na que viaxamos por distintos países a través dos contos e da música, e por suposto, tamén fixemos unha parada en Galiza, onde se narrou a “Galiña azul” e se tocou a pandeireta. Unha sesión chea de alegría onde todos os asistentes gozaron das historias, da música e tamén do baile!
Séguenos