O pasado venres 22 de setembro a biblioteca do Milladoiro encheuse dun grupo de rapaces e rapazas que se convertiron en auténticos detectives. E si!! Conseguiron dar co responsable do desorden da biblioteca!!

O pasado mércores 20 de setembro puidemos gozar dos contos dun dos ratiños de Lonxetodo na biblioteca do Milladoiro. Unha marabillosa tarde de narración para comezar este novo curso!!

Rocío Couto axudounos este ano a celebrar o Día do Libro. Durante unha hora e media a biblioteca encheuse de carreiras de rapaces en busca do misterio agochado entre os nosos libros. Unha actividade ideal para aprender sobre a organización do noso fondo.

Con motivo das Letras Galegas visitáronnos Cris e Jean. Os rapaces e rapazas que viñeron celebrar na biblioteca este día tan especial aprenderon o funcionamento da imprenta e elaboraron un fermoso fanzine sobre a vida e obra de Florencio Delgado Gurriarán.

A biblioteca traslada as súas actividades no verán á praia fluvial de Tapia, co programa Seráns en Tapia.

Nesta segunda sesión contamos coa actuación de Soledad Felloza, que nos fixo gozar e sorrir coas súas historias cargadas de picardías dirixidas ao público adulto.

Neste verán que levamos as bibliotecas de Ames á praia fluvial de Tapia contamos con Avelino González para inaugurar o programa e foi todo un pracer desfrutar das historias que nos contou e nas que participamos e ata cantamos xuntos!

Unha estupenda sesión de contacontos, música e xogos da que os máis pequenos da casa gozaron un montón. Coma sempre, Migallas Teatro non defraduda!

O sábado, día 17, tocoulle aos nenos e nenas do Milladoiro. Os que participaron no obradoiro analizaron a estructura clásica dos contos, revisaron contos clásicos con novas persepectiva, escribiron e debuxaron! E todo dun xeito lúdico que os enganchou por completo!

Os usuarios que nos acompañaron o xoves día 8 puideron dar resposta a preguntas como se Xosé Neira Vilas sabía que cando escribira memorias dun neno labrego no ano 1961 ía provocar que 28 anos máis tarde caira o muro de Berlín? Ata que punto o azar manexa as nosas vidas? Biófilo Panclasta estivo en Cangas nos anos 60? Quen foi Cachiño, o mariñeiro Rillote, e que tivo que facer para sobrevivir a un naufraxio en Tristán de Acunha? Que pintan Los Tamara en todo isto? Unha narración que conseguiu sorrisos tan benvidos nesta época!

O pasado xoves 24, os usuarios da biblioteca do Milladoiro puideron gozar dunha marabillosa contada inspirada pola nosa tradición oral da man de Vero Rilo.