A Biblioteca Municipal do Milladoiro recibiu a Galetreatro o mércores 5 de abril a 18.00h coa súa obra “Comechíns, segundo prato”.
Con esta sesión de contacontos quixemos comezar os festexos deste mes no que os protagonistas son os libros… “Abril mes dos libros”!
Na sesión degustáronse sete historias que abriron a fame de contos a todos os nenos e adultos que asistiron.

 

Con Anxo Moure e a súa titiricleta asistimos a unha actividade divertida e moi interesante na que a través dos seus títeres os nenos e as nenas reflexionaron sobre o respecto ao medio ambiente e a paz. Construiu unha sesión de contacontos na que o público participou de cheo no seu densenrolo de maneira moi dinámica e participativa.

Para dar a benvida ao verán, contamos coa presenza de Manuel Solla nas nosas bibliotecas, o luns 20 en Bertamiráns e o martes 21, no Milladoiro. Pasamos un rato moi agradable facendo maxia e escoitando e representando contos. Participamos todos e ata xogamos cun rato!

Dada, o Duende visitou o xoves 28 a biblioteca de Bertamiráns para celebrar cos nenos e as nenas o Día do Libro. Gozamos moito coas simpáticas historias dos animais que acompañaron a Dada nesta visita!

O mércores 27 de abril o Duende Dada visitou a nosa biblioteca para celebrar connosco o Día do Libro. Para iso contamos co gato Micifú, co Loboferoz… que atraparon coas súas historias ao público desde o primeiro momento.