Xincana con trece estacións sobre a figura do escritor homenaxeado nas Letras Galegas, ben estruturada e axeitada para nenos/as a partir de 10 anos.

A maneira de contar de Lia Magalia é diferente. Os espectadores introdúcense no relato e viven as mesmas peripecias que os personaxes de ficción. Adéntranse en selvas, móllanse, loitan con osos e vencen.

Nunca pensamos que as nosas pegadas poderían expresar arte. Isabel mostrounos que é posible. A rapazada reinterpretou a través da pintura,  utilizando a técnica do puntillismo, un fermoso conto de valores. Estiveron moi entretidos, todo moi ben organizado, unha atmosfera moi relaxante e productiva . Deulles pena rematar, pero marcharon contentos cos súas obras de “autor con pegada”.

Estupendo espectáculo de Chuches Amil en Camariñas. Contos e música de moi boa calidade. Conseguiu crear un ambiente moi animado e participativo, só tedes que mirar a imaxe!. Volveremos a vernos Chuches Amil!

A Asociación Lucense de Tempo Libre foi a responsable de impartir a actividade de Robótica educativa. Creatividade inspiradora. Coma o tempo de duración é de 120 min e a demanda foi xenerosa, ofreceron a posibilidade de facer dous grupos e incluso traballar máis tempo do pactado. As sesións resultaron moi amenas e instructivas. Construiron robots con pezas de lego  que animaron con movemento, luz e son  a través do  programa scrath, para o que lles facilitaron unha tablet. O monitor foi paciente, claro e moi organizado.

Recomendoa polo interese que esperta nos nenos/as e pola bo traballo e dispoñibilidade da Asociación Lucense de Tempo Libre.

Dinámica e simpática versión do conto de Hamelín con malabares e clown.

Luis Vallecillo interpretou durante 45 minutos cancións dirixidas a un público infantil, de idades comprendidas entre os 3 e os 6 anos, acompañado de María que axudaba na teatralización.

Pedrina na montaña é un relato impregnado de valores como o amor pola natureza, o respecto aos maiores e a importancia da familia. Soraya Lema usa  variados recursos visuais e auditivos para transmitilos (música, sons, ilustracións,  esculturas, disfraces..) de xeito que a trama nunca perde interese.

A actividade espertou moito interese entre os rapaces e non decepcionou. A pesar de ter unha duración de 90 minutos fíxose curto. Os participantes contruiron cadanseu  robot , unha EPI e presenciaron o funcionamento dunha impresora 3D. O grao de satisfacción foi elevado e excelente o traballo dos monitores.

Contacontos-taller intereactivo de gran calidade sobre a pintora Maruja Mallo. Moi creativo  e con moita información sobre a artista.