Da man da compañía Migallas Teatro, a Biblioteca Municipal Os Templarios (O Temple-Cambre) acolleu este xoves (7 de outubro) a sesión de contos “Os tres porquiños”, dirixida a facer gozar ás nosas usuarias e usuarios máis cativos nun ambiente moi familiar.

A Biblioteca Municipal Os Templarios (O Temple – Cambre) contou -este xoves 30- coa divertida sesión “Cinema Marabillas”: un espectáculo de contos clásicos como Alicia no país das marabillas, Peter Pan ou o Mago de Oz que proxectou películas mudas ás que Raquel Queizás puxo voz, xogando cos efectos técnicos para fusionarse coas personaxes.

A Biblioteca Municipal Os Templarios (O Temple – Cambre) acolleu este xoves 23 unha actividade para as nosas usuarias e usuarios máis cativos: “A biblioteca que viaxaba no tempo”, un contacontos a cargo de Olga Abad que animou a tarde das familias coa historia de tres amigas que se xuntan para ler no alto dunha montaña.

Velaquí a última sesión de contacontos desta tempada de LER CONTA MOITO nas bibliotecas municipais de Cambre. Rematamos este ciclo con Juste Kamishibai e o seu  fascinante teatro de papel ao estilo xaponés: “Os Nortis e os libros sen título”.

Este foi un ano estraño porque houbo que axustar moito os aforos nas bibliotecas. Isto é moi difícil cando hai tantos nenos e nenas que queren asistir ás actividades e seguir vivindo as fantásticas historias que os contadores e contadoras preparan coa mesma imaxinación e ilusión que os máis pequenos… Pero todo mellorará! Entretanto, desexamos moita saúde a todo o mundo!

O mércores 7 de outubro, ás 17.30 h, tivemos unha cita con Migallas Teatro na Biblioteca M. Os Templarios. Con música e con moita tenrura e amabilidade conseguiron acortar simbolicamente as distancias físicas que nestes tempos son de obrigado cumprimento para facer que o público infantil (e non tan infantil…) disfrutase dos “Contos do chupete”. Moitas grazas!

Onte pola tarde estiveron na Biblioteca M. Os Templarios Estíbaliz Espinosa e a ilustradora Lucía Cobo para presentarnos a Pandora, a primeira astronauta galega. Con elas tres demos unha fascinante volta polo universo e chegamos a lugares nunca antes explorados… Pero, ademais, puidemos constatar que os nenos e nenas que acudiron á biblioteca saben moitísimo sobre o ceo, os planetas e as estrelas e que están máis que preparados para facer fronte á súa propia viaxe polo espazo sideral!

A Biblioteca Municipal Os Templarios, de Cambre, abríu a temporada de actividades do programa “Ler conta moito” coa actuación do músico Xoán Curiel. O cantante fixo unha amena presentación de Antón Fraguas (Letras Galegas 2019) e Carvalho Calero (Letras Galegas 2020) adecuada ao pùblico infantil que disfrutou e participou tamén activamente desta sesión. Grazas, Xoán, e grazas aos participantes que se animaron a romper o xeo nesta primeira sesión!

O xoves 17 tivemos bebés na biblioteca. Visitounos Carlos Coira para facernos disfrutar de contos, maxia, clown, xoguetes que se moven, avós que varren, bebés que gatean…

Un percorrido polos sentidos, vimos, escoitamos, tocamos, cheiramos… Todo dentro dun contexto teatralizado e xogando sempre a sorprender. Tamén cantamos!

Rematamos con moitos libros pola alfombra, para tocar, ver , escoltar, ulir…

Pablo Sánchez (Pablísimo) deleitounos o martes 8 cunha actividade en Igualdade realmente magnífica.

Buscamos príncipes rosas e princesas azuis. Escoitamos contos versionados á igualdade de xénero, como O Príncipe e o chícharo, tamén O Príncipe Cincento de Babette Colle e ata escoitamos ás princesas botar peidos!

Poidemos ver e tocar diversos instrumentos musicais de varias partes do mundo e montar unha auténtica orquesta cos adultos acompañantes

Todo un derroche de xenialidade e unha maneira divertida de reflexionar sobre a igualdade de xénero.

O xoves Mirari Urruzola, de Babaluva Teatro, extendeu a súa alfombra máxica na Biblioteca M. Os Templarios e compartíu con todos os nenos e nenas que se achegaron un universo de sensacións: xogaron nun campo de libre experimentación para o o tacto, a vista, o oído e o olfato.