Caxoto presentou na Biblioteca de Carral un fermoso conto. Levántate Xan!!! cautivou aos pequenos (de 0 a 3 anos), que gozaron dos animaliños da granxa de Xan.

Foi un fermoso inicio de curso das actividades da nosa Biblioteca.

Nuno e Nona, dúas ras que acompañan a Raquel Queizás nas súas actuacións, estiveron en Carral estimulando aos bebés que se achegaron á Biblioteca.

Foi unha sesión con algún conto clásico, con música, con movemento e tamén con diversión.

A compañía de monicreques Galitoons ofreceunos un entretido e creativo obradoiro de construción de monicreques de calcetín. Nenas e adultos aprenderon xuntos a crear simpáticos títeres partindo de calcetíns, pelotas de ping pong, fieltro, escuma, goma EVA e fíos de la. Despois da confección dos monicreques, Chisco, que dirixiu o obradoiro, ensinoulles a manipular as personaxes que cada participante creou. Incluso, todas xuntas, títeres e “titiriteiras” cantaron unha canción.

Seguro que agora nas casas a creatividade continúa con historias que representarán os monicreques creados na Biblioteca de Carral.

O xoves visitáronnos Pavís Pavós con “Este queixo queixolán…”.

Dirixido ós máis pequenos da casa, gozamos dunha sesión deliciosa con contos e cantos  que xa nos cantaban os nosos avós e que mantiveron a atención dos asistentes (pais e nenos) en todo momento.

Coma sempre, un dez para Pavís Pavós!

Os máis pequenos da casa pasaron a tarde bailando e cantando na Biblioteca  de Carral.

Patricia de Eduvía compartiu con nós versos e cancións.

Pasámolo xenial grandes e pequenos!!!!

Na tarde de onte, os mais pequenos da biblio estiveron moi atentos ó que lles contaba

Vanesa do Trinketrinke. Contos sobre paxariños!

Marabillosa sesión!! Quedamos encantados!

Estamos a celebrar o día do libro, e nesta ocasión visitounos Trémola Teatro con “Leo e as Cores”.

Foi unha función adicada ós mais pequenos da casa que gozaron ata o final cos contos e coa música. Un dez!

Onte, na Biblioteca de Carral,  acompañáranos os máis pequenos da casa.

Pais e nais seguiron atentamente as indicacións de Patricia de Eduvía que os ensinou como contar un conto cos cinco sentidos.
Foi unha tarde especial!!!

O pasado xoves, Bea e Manuel de Migallas estiveron na Biblioteca de Carral cos máis pequenos da casa.
Cantaron, contaron e entusiasmaron ós pequenos espectadores que nos acompañaban.
Non foi doado mantelos sentados!! A sesión rematou cun baile e pedindo…. OUTRA OUTRA! Un dez para Migallas, como sempre…

Cunha función adicada a nenos e nenas de 0 a 3 anos, Pablo Díaz acompañounos con contos e música.

Lúa, lúa , lúa..
todos atentos ós contos ata que chegou a música e tocou bailar ó son da guitarrra. Un dez para Pablo !!!!