Dentro da programación de Ler Conta Moito na Biblioteca Municipal de Carral tivemos ocasión de gozar do bo facer do debuxante Xosé Tomás. Un numeroso grupo de rapazas e rapaces tiveron ocasión de coñecer e practicar algúns dos principais conceptos e técnicas da banda deseñada. Quedamos con gañas de seguir aprendendo máis sobre o mundo das viñetas. Haberá que repetir.
Unha vez máis Charo Pita pasou pola Biblioteca Infantil de Carral para ofrecer unha fermosa e agarimosa sesión de contos para bebés.
É unha delicia ver as reaccións dos máis pequenos nunha sesión coa que pretendemos provocar o amor polos libros.
Dentro de Ler Conta Moito Igualdade de Xénero, a Biblioteca de Carral ofreceu o espectáculo do Mago Paco “Unha maxia diferente”. Pasámolo moi ben e lembramos todos aqueles valores que promoven a igualdade en homes e mulleres.
Onte Trinketrinke Teatro estivo en Carral cos máis pequenos da casa pero tamén os máis entendidos… pódovos asegurar que non deixaron de estar atentos a todo o que lles contou e cantou Vanesa, que como sempre estivo dulce e atenta cos pequerrechos. Moi recomendable. Un dez
A semana pasada visitáronnos de novo “Migallas Teatro” co seu contacontos ” Os contos do Chupete” . Agardábanos na biblioteca os máis cativos da casa, pero non por iso os menos esixentes..Bea e Jony non os defraudaron, a súa música e as súas historias mantiveron en todo momento atención dun público moi entregado.
Un gran aplauso para Migallas !!
O pasado xoves visitounos o gran Pablísimo. Chegou coa súa maleta chea de contos e fixo que todos os asistentes quedáramos entusiasmados coas historias que nos foi contando…dende a casa máis pequena do mundo ata os tres porquiños!
Coma sempre Pablísimo un 10. Moi recomendable!!!!
Este ano, para celebrar o Día das Letras Galegas acompañounos Elefante Elegante ca súa historia O Xigante. Marabillloso conto que fixo que tanto os nenos como os adultos gozaran do traballo desta estupenda compañía.
O XIGANTE
ANDREA E OS SEUS CONTOS
Celebramos o día do libro con Andrea Vázquez e o seu espectáculo Mergullámonos? Todos os rapaces gozaron das súas viaxes imaxinarias e as súas historias. Grazas Andrea!
O pasado luns, visitaron a nosa biblioteca as compoñentes de Forma Teatro, que nos presentaron Bebecontos de Choupiña e Trasnón.
Os máis pequenos da casa gozaron coa música, contos e xogos…
Coincidindo coa Semana das Letras Galegas, visitáronnos Os Viqueiras co seu Gaiteiro Cabezudo. Despois dunha introducción para coñecer os nosos instrumentos, acercaron a música tradicional galega ós asistentes , os cales cantaron e bailaron co Gaiteiro Cabezudo
Séguenos