Na tarde de onte na B.P.M. de Fene, tanto nenos/as como pais e nais, gozaron duha historia que comeza cun grande desgusto da galiña Xosefina, cando ésta se decata de que na casa de Pepe se usan ovos para facer tortillas; pero nada que non teña solución grazas á axuda da súa amiga a pata. Unha historia na que se traballa a amizade e a empatía.

A Biblioteca Municipal de Fene festexou o Día das Letras Galegas 2025 cun espectáculo adicado aos máis pequenos da casa, “Güe, güe”, de Barriga Verde. Os nenos e  as nenas que viron a actuación, ademáis de pasar unha boa tarde en compaña dos monicreques adquiriron hábitos saúdables, como merendar as froitas da cesta da compra da avoa de Güe-güe. 

O 24 de abril, Día do Libro, acercouse pola B.P.M. Xosemaría Pérez Parallé o Mago Rafa co seu espectáculo de maxia “Abracalibro”. Unha actuación chea de maxia e contada con moito humor, que fixo gozar tanto ao público infantil como adulto. Unha boa maneira de celebrar o Día do Libro!

O pasado xoves 17 de outubro estivo na B.P. M. de Fene, Anxo Moure que contoulles aos nenos e nenas unha serie de historias baseadas na natureza, inculcando nos pequenos e nas pequenas valores positivos como o coidado e a valía das árbores. Non faltou a diversión coa música acompañada de baile.

Fantástico espectáculo para pechar o ciclo Ler conta moito 2023 no Concello de Fene. “Procúra-se Pepa a Loba” resultou ser un contacontos cunha fermosa escenografía e posta en escea (co que Cristina Collazo engaiolou á cativada desde o minuto 1´)

En “Procúra-se Pepa a Loba”, “a famosa bandoleira Pepa a Loba percorre os montes galegos sen medo a nada. Ata que alguén lle fala dun cobizado tesouro… Atréveste a procuralo con ela?”. “Procúra-se Pepa a Loba” é unha aventura chea de música, monicreques e intrigantes historias.

O espectáculo de A Xanela do Maxín resultou moi interesante, didáctico e divertido. As/os nenas/os asistentes aprenderon moito cos experimentos que propoñía a toupiña (e que resolveu Protonio, coa axuda sempre das/os pequenas/os).

A aldea de Hamelín foi tomada por unha praga de trasnos que amolan e fan imposible a vida dos seus habitantes. Con este punto de partida, David Merelas (Moc Moc MeRe Clown) achegou o pasado xoves aos nenos/as feneses “A verdadeira historia de Hamelín”, unha versión divertidísima do conto clásico.