Crearte Servizos culturais realizou en Irixoa o obradoiro “Animalario fantástico”. Os nenos/as xogaron  a inventar animais a partir de historias narradas; a inventar historias a partir de imaxes de animais, presentes nos libros e mesmo a buscar o animal co que máis se identificaban. Inspirados pola música de O Carnaval dos animais e o Animalario universal do Profesor Revillod, crearon un almanaque de animais.     

O mago José Rivera fíxolle aos/ás participantes no Campamento de verán de Irixoa un obradoiro no que a través do ilusionismo ensinou a práctica de pequenos efectos de ilusionismo ó seu alcance, e o xeito de mellorar e aprender máis, enfocando á lectura como ferramenta e espertando nos nenos e nas nenas o gusaniño da maxia, mellorando a súa creatividade e estimulando a súa imaxinación, ao tempo que se desenrola o seu pensamento crítico.

LEO LEIÑO PRESENTOU EN IRIXOA Pola Igualdade dende a maxia

O pasado día 8 de xullo Leo Leíño visitou Irixoa. Nun campamento de verán a través da maxia explicoulle ás nenas e aos nenos que homes e mulleres temos os mesmos dereitos e obrigas. Díronlle a coñecer a mulleres que loitaron polos dereitos. Falaron tamén de bullyng, violencia, xenofobia, e grazas a maxia intentaron que destas cousas malas xurdira a igualdade e a tolerancia.

Paco Nogueiras cantou e interpretou para o público asistente o seu album “Extra”. Actividade gratuíta realizada no Chao da Viña dentro do programa das Letras Galegas 2022 organizado polo Concello de Irixoa.

EXTRA! é un espectáculo baseado no Libro-CD “Extra!, un xornal musical no que Paco Nogueiras canta noticias e o público bailaas. Ritmos modernos e pagadizos nos que o autor convidou ao público a participar, fomentou a igualdade entre homes e mulleres, as nenas e os nenos e animou á lectura.

Aínda que o espectáculo non se realizou na biblioteca estivo en todo momento vinculada a ela, animando ao público participante a que se achegara a biblioteca. No lugar de celebración había unha selección de libros para que o público asistente coñecera parte do fondo co que conta a biblioteca.

Obradoiro “Faremos un cartel” na BPM de Irixoa

Os nenos e nenas do campamento realizaron un obradoiro na Biblioteca de Irixoa,  co ilustrador Michel Casado, no que crearon un cartel,

   Os contos de Pablisimo buscaba  príncipes rosas…e princesas azuis en Irixoa. Contos de valentes princesas enfrontandose a dragóns e de príncipes que lavan a roupa e pasan o ferro!,  o príncipe cincento, As princesas tamén botan peidos e unha versión gamberra e interactiva de A PRINCESA E O CHICHARO de modo moi ameno e divertido.

Pakolas visitou Irixoa co seu espectáculo “Rokeamos todas con Pakolas”.  De xeito divertido, e coma sempre a ritmo moi rockeiro, as nenas e nenos aprenderOn da importancia de medrar e vivir en igualdade, a través das protagonistas das cancións e contos de ELAS:  nenas, mulleres, figuras femininas inspiradoras que nos dan a coñecer diferentes historias de superación da desigualdade, de loita polo respecto e a liberdade.

O día 14 de xullo 9 rapaces e rapazas de idades comprendidas entre os 9 e os 14 anos crearon o seu robot coa empresa Átomos. Os rapaces e rapazas pasárono en grande.

A empresa Átomos o 27 de agosto preparoulles aos mozos e mozas un Scape Room na biblioteca de Irixoa. Mozos e mozas de Irixoa tiveron que resolver un misterio e intentar sair.

Pois si que conseguiron saír, non quedaron encerrados!

O día 27 de agosto “Brais das hortas” visitou a Biblioteca Pública Municipal de Irixoa e  contoulle aos asistentes unha chea de contos que traia nunha maleta. Os nenos e nenas pasárono en grande!