O pasado venres 19 de abril, 30 nenas e nenos coas súas respectivas familias, xuntáronse na Biblioteca da Laracha para desfrutar das historias de María da Pontragha.

Estrebillando é unha proposta para toda a familia, que funciona moi ben coa cativada máis pequena. A proposta aposta pola participación, pola lingua e pola música e o canto como fío conductor. María entende moi ben como conectar cos públicos e como adaptar os ritmos da sesión en función da participación da cativada alí presente.

Unha tarde de venres moi emocionante!

O pasado venres 12 de abril demos comezo á programación do Mes do libro na Biblioteca de Caión con Ángeles Goás e o seu particular “Saco de contos”.
Ángeles é unha magnífica contadora de historias cunha grande capacidade de escoita e un enorme abaco de recursos. Por mor do día de praia que nos tocou, a asistencia non foi tan numerosa como agardamos, sen embargo Ángeles soubo adaptarse á perfección ao público específico que nos acompañou.

A proposta fai referencia á importancia das nosas avoas como fonte de historias e sabedoría. Un saco de contos con historias diversas para todos os gustos con mensaxes potentes sobre o mundo, a familia, e o destino.

Pasámolo moi ben!

Rematamos o Outono de Contos do 2022 con “Anrolos de mamá cabra” un contacontos moi musical para os máis pequenos da casa.

Unha tarde divertida, na que ademáis de pasalo ben tamén aprendemos moito.

Seguimos co programa  Outono de Contos!!! Esta vez con Trémola Teatro e a sua pequena gran inventora, música, pompas de xabón, xogos e diversión na biblioteca de Paiosaco.

O Venres 7 de outubro damos comezo ao Outono de Contos con Sabela Gago e “O señor do Castelo” na biblioteca de Caión. Os contacontos de Sabela son sempre moi participativos, tanto para os pais como os pequenos, pasando unha tarde moi divertida en familia,

O Xoves 19 de maio rematamos a programación con motivo das letras galegas con Magín Blanco e o seu contacontos musical.

O luns 16 festexamos as letras galegas coa actuación de Migallas Teatro e  “Brinacadeiras de lingua”.  Tarde divertida para nenos/nas e adultos.

Clausuramos a programación con motivo do día do libro con Teatro Gazafelhos en Caión. Unha tarde divertida e moi participativa ao par que aprendemos un pouco sobre a historia. Diversión tanto para nenos e nenas coma para adultos.

O xoves 21 de abril celebramos a semana do libro con Cristina Collazo e “A Alquimista” na Biblioteca de Paiosaco. Unha tarde de ciencia, música e contos.