” Os contos da Festa no Faiado” e unha sesión de contos para achegar ás nenas e nenos a figura de Mª Victoria Moreno, ao seu mundo divertido cheo de amor pola lingua galega, os animais, as viaxes, o mar…Contos cheos de preguntas para que o público interactúe, inventando e enchendo de vida os contos contados. Fomentando a lectura a través dos contos, así como a imaxinación dos nenos/as. Excelente acollida do evento de Marta Ortiz para homenaxear a personaxe a cal de adicou as Letras Galegas 2018.

o

O venres día 20 de outubro co motivo da celebración do Día da Biblioteca os nenos e nenas de Alfoz desfrutaron dunha sesión de contacontos e cancións tradicionais da nosa lingua, achegándose ó cancioneiro tradicional galego e así non esquecelo.

O día das Letras Galegas realizamos na biblioteca de Alfoz “O gran xogo sobre as Letras Galegas” con Eduvia.

Foi unha actividade onde os nenos participaron moi activamente e gozaron cos xogos propostos, que consistiron en que cada grupo tiña que ir pasando distintas probas e gañando minipuntos.

Celebramos o Día do Libro con Santi Prego o venres día 21 de abril, puidemos disfrutar do “Teatro máis pequeno do mundo” e dunha morea de  peculiares historias e contos da man de Santi Prego co que os rapaces e rapazas que asistiron pasaron unha tarde divertida.

O día 31 de marzo os nenos e nenas de Alfoz estiveron moi entretidos coa actividade de Charo Pita, “O curral de Cocoricoricó”, co motivo da celebración do Día do libro Infantil. Tanto os pequenos como os seus país pasaron un intre  moi divertido e quedaron encantados.

OLYMPUS DIGITAL CAMERA

OLYMPUS DIGITAL CAMERA

Pablisimo estivo connosco o venres 21 de outubro para a celebración do Día da Biblioteca que tivo lugar na Biblioteca Municipal de Alfoz.

A actividade encantou ó público asistente que disfrutou e participou cos relatos de Pablo Sánchez: Fábulas, cantares de cego, adiviñas, contos minúsculos, etc.

Os contadores Polo Correo do Vento achegáronnos as aventuras da saramaganta Roi en “O poeta do Miño”, una historia que homenaxea a Manuel María.

Nenos e adultos gozaron dunha historia na que os protagonistas percorrían o río Miño, seguindo moitas das paisaxes contadas e poetizadas por Manuel María, e tamén  coñecendo algún dos seus poemas.

Ao rematar a historia, aprenderon con Carlos Taboada, o ilustrador, a debuxar una caricatura do noso poeta lucense.

O venres, día 22 de abril, visitou Leo Leiño a biblioteca co seu espectáculo de maxia divertida e sorprendente. Leo transpira pasión pola maxia e eso é o que transmitiu aos nenos e nenas que asistiron á sesión na biblioteca, toda esta pasión convertiuna, nun último xogo visual, en enerxía que o público lle achegou en forma de pequeñas boliñas máxicas de cores que Leo enguliu, deste xeito retornará noutra ocasión á nosa biblioteca con enerxías renovadas. Todo dun xeito gracioso con grandes doses de humor.

O pasado 23 de outubro para celebrar o día da biblioteca tivemos o espectáculo do “Capitán Garfo”, tratábase dunha comedia musical na que o público infantil pasou un ratiño moi doce e entretido, e o mesmo tempo apréndese a importancia que ten unha boa alimentación nas nosas vidas. Un total de 67 persoas gozaron deste fermoso espectáculo.

O día 27 de abril a Biblioteca de Alfoz celebrou o día do libro con unhas simpáticas pizzeiras de Sarabela Teatro. Escoitamos os seus contos facendo as ledicias do público asistente.