Onte recibimos na biblioteca pública de Foz ao grande Caxoto que coa sua simpatía e naturalidade consigue meter a toda a picaraxada dentro da narración oral. Reformulando os contos clásicos, déixanos ben claro que todos, sexamos homes ou mulleres, somos iguais para desenvolver calquer tarefa.

Pakolas animando co seu churrasco de mamut a todo o público asistente.

O domingo 8 de outubro tivemos a sorte de contar co divertidísimo Pakolas na biblioteca “Salgado Toimil” de Foz. Unha proposta súper animada que combina música coa narración oral, na que Pakolas nos relata as aventuras de Ramona que viaxa ao pasado e o futuro a través dunha máquina do tempo, procurando un mundo mellor. Unha actividade moi participativa e graciosa que conseguiu que cantasen e danzasen todos os alí presentes. Podemos garantizar que Pakolas fíxo vibrar o salón de actos enteiro coas suas pezas rockeiras e a súa posta en escea.

O pasado mércores pasamos un rato moi divertido en Foz con Tarabelos e a súa obra “Contos nunha roda: Manuela e Manuel”. A través dun teatriño ilustrado, dunha roda e de Esteban, gran contador de historias, a picaraxada disfrutou dunha tarde moi amena cos protagonistas, Manuel e Manuela, un conto pola igualdade deseñada para romper estereotipos. Unha actividade dinámica na que o público participa e interactúa cos personaxes. Ao final da sesión, Esteban permitiu acercarse ao monicreque que tanto interés despertan sempre entre os/as máis pequenos/as.

Este pasado venres día 20 de outubro tivemos a actuación de Xurxo Souto coas Cantigas terrícolas e o audiovisual “Dos gaiteiros do mar”. un percorrido sobre contos dos mariñeiros en Terranova, Irlanda.. acompañado polo grupo Os Larpeiros de Foz, que cantaron as cantigas propias dos mariñeiros de esta vila. Unha actividade moi entrañable cunha boisima comunicación entre público e artista. Ao finalizar o acto tivemos a sinatura do libro “Contos do mar de Irlanda”.

“Os contos do chupete”, este venres pasado fixeron rir e cantar aos nenos de 0 a 3 anos e aos papas con Migallas Teatro. Contos de sempre con música e bo humor. Excelente actuación para un público moi esixente e que o pasou en grande.

O martes, 16 de maio, tivemos a Bandullo Azul e “Filipa cos contos”. Música, cancións e contos, celebrando as Letras Galegas, as letras máis fermosas e recordando a Carlos Casares.

A Biblioteca Pública Municipal de Foz, celebrou este mércores a semana do libro cos nenos e nenas de Foz que acudiron a ver a Elefante Elegante con “Lobo bobo”, ás 18:30 horas. Unha mixtura de contos tradicionais e unha posta en escea chea de risas, música e mímica.

Tivo que ser no salón, desbordados pola afluencia de nenos que o pasaron en grande coa gran profesionalidade de Gonzalo Guerreiro.

Bo e productivo día do libro a todos.

Este venres pasado tivemos ao Mago Paco. Divertida actividade para pais e nenos, coa ilusión e a interacción como elementos principais. Estupenda actividade.

TRINKE TRINKE TEATRO co “O Coelliño branco” e outros contos, cancións, máxia e lectura a través dos contos dramatizados e para toda a familia.

Divertido recitado de Larraitz Uurruzola cos seus “Babacontos con Manuel María”. Pais e nenos disfrutando e bailando a través das poesías de Manuel María