A compañía Tropa de Trapo achegounos a actuación “4 monos” ata a biblioteca municipal Lois Pereiro de Monforte de Lemos. Catro monos, catro historias para falar como nos relacionamos entre nós e co medio. Relatos para rir, cantar e tamén para reflexionar mentres nos divertimos todos xuntos.

O Mago Marco Pombo visitou a biblioteca municipal Lois Pereiro de Monforte de Lemos  co espectáculo “Maxia para soñar” unha actuación a través da cal achega a maxia e ao mundo da lectura.

O martes 17 de setembro unha xoaniña entra na biblioteca municipal Poeta Lois Pereiro de Monforte de Lemos para buscar unhas ás para poder voar. Despois de atoparse con moitos animais do xardín, e algún escapado doutras latitudes, a nosa xoaniña consigue voar grazas aos nenos e nenas e as súas verbas máxicas.

Coa participación de 120 nenas e nenos de 7 e 8 anos, Barafunda acada a atención e participación de todos cun espectáculo moi áxil que os mantén interesados en todo momento na historia desta pequena xoaniña . A satisfación dos asistentes foi grande e quedaron con ganas de volver a velos moi pronto.

o luns 13 de maio ás 12:00 os artistas de ANIMAR-T visitaron a biblioteca municipal Poeta Lois Pereiro de Monforte de Lemos. Nenos e nenas de sete e oito anos disfrutaron do espectáculo de música, luces e baile permañecendo moi atentos á historia que Miguel, preocupado por un paxariño que ía visitalo todos os días durante a pandemia do ano 2020, lles contaba. Miguel , ante a imposibilidade de falar co esquivo paxaro, interroga aos seus animais , un can, unha galiña, unha tartaruga e a súa vaca. Con cada un deles canta unha canción que fai as delicias dos pequenos.

Espectáculo recomendable dado a implicación que teñen co público a quen meten na historia dende o principio.

O pasado venres 6 de outubro, Leonor e Cristina (Leo Leíño) visitaron a biblioteca municipal de Monforte de Lemos. Nenos e nenas de entre 5 e 6 anos asistiron a un espectáculo de maxia que os tivo engaiolados durante a hora que durou. Libros que arden pero non se queiman, a historia do Principiño, Don Quixote e outros parsonaxes literarios sirven de fío conductor para os números de maxia que combinan coas historias destes libros.

O público quedou moi satisfeito da actuación destas dúas magas boas que despertan moita tenrura entre os máis pequeniños.

O pasado venres, 29 de setembro, o mago Paco visitou a nosa biblioteca municipal. Máis de 150 nenos e nenas asistiron a un espectáculo de maxia e narracións co fio conductor da igualdade. Igualdade entre homes e mulleres, igualdade de dereitos para todos e todas independientemente da raza, orixe ,procedencia e nivel económico. Pero igualdade dentro da diversidade, ser diferentes pero cos mesmos dereitos.

Durante hora e media o mago Paco mantivo o interés do público facendo que participaran nas súas propostas.

Os asistentes quedaron moi satisfeitos e con gañas de volver a ver e participar en actividades coma esta.

O venres 22 de setembro ás 12:00 horas tivo lugar no salón de actos da biblioteca municipal un espectáculo de maxia e conta contos a cargo de “Los Últimos” teatro. Durante 45 minutos nenos e nenas de 6 e 7 anos disfrutaron moito cos trucos e os contos da maga Sargantana.

O venres 7 de outubro o mago Teto visitou a biblioteca municipal de Monforte de Lemos. Durante os 50 minutos que dorou o espectáculo fixo as ledicias dos máis de 135 nenos e nenas que enchían o salón de actos da Casa da Cultura donde se atopa a nosa biblioteca. Os pequenos aplaudiron e celebraron os números de maxia, algúns coñecidos e outros completamente novos , cos que o mago fixo a ledicia de todos os presentes. O número final das botellas que se multiplican e cambian de sitio foi o máis aplaudido por novedoso e deixounos a todos coa boca aberta.

Con esta actuación rematamos a temporada do programa Ler Conta Moito. Xa estamos esperando ao ano que ven para volver a disfrutar dos artistas con novas actuacións.

Da man de Leo Leiño e da súa irmá Cristina dúas meigas boas chegaron o xoves 29 de setembro a biblioteca de Monforte para facer as ledicias de 120 nenos e nenas de 5 e 6 anos. As meigas fixeron os seus trucos : libros que arden pero non se queiman, panos que cambian de cores, mesas voadoras, cartas máxicas que emiten luces , segredos da Ribeira Sacra e os seus libros… . Durante unha hora os rapaces foron partícipes da maxia e o bo facer destas  simpáticas e entrañables meigas.

Óscar Fernández, da compañía “Magia en la manga” de Carlos Tomico Pérez, actuou o venres 23 de setembro no salón de actos da biblioteca e casa da cultura do concello de Monforte de Lemos. Foron 50 minutos nos que os rapaces , máis de cen, disfrutaron cos seus números de maxia. Panos que cambian de cor, cordas que rompen e volven a estar enteiras, cartas da baralla máxicas e un sinfin de trucos nos que solicita a colaboración de axudantes facendo ao público partícipe dos mesmos.

Xa agardamos a seguinte actuación.