O xoves 22 de setembro Paco, o divermago, visitou a biblioteca de Monforte de Lemos. Compartiu unha hora de ledicia con máis de cincoenta nenos e maiores. Os pequenos foron os magos dos libros por unha tarde e quedaron moi felices de participar nos trucos e trasnadas do mago. Nenos que se convertiron en músicos, galiñas, pavos, pintores… e todo o que a súa imaxinación é capaz de crear. Para rematar o mago compartiu con eles o tesouro dun pirata que non debeu ser moi malo ya que lles deixou algo moi doce.

Esperamos que volva pola biblioteca pois lles deixou un bo sabor de boca.  

O xoves, 21 de abril, dúas cociñeiras fantásticas encandilaron a máis de 30 rapaces mentras preparaban un prato moi especial. Madame Bechamel e signorina Bolognesa, de Trécola teatro, fixeron as delicias de pequenos e grandes  mentras preparaban un menú moi especial.

Pasamos moi bo rato con elas e esperamos volvelas a ter con nós.

Onte, xoves 22 de outubro ás 18 horas, Noa achegouse á bilioteca municipal Poeta Lois Pereiro para contarlle moitas cousas de América Central a un grupo de nenos e nenas. Foi unha viaxe por países e culturas diferentes. Tamén lles falou de cooperación e axuda a persoas que o necesitan explicándolles en qué consiste a solidaridade internacional.

O xoves 24 de setembro Leo Leíño visitou a Biblioteca Municipal Poeta Lois Pereiro de Monforte de Lemos. Nenos e grandes pasamos unha hora que se fixo moi cortiña xa que a maga mantivo o interés e a sorpresa e cautivou coa súa simpatía a todos os que se achegaron a vela. Esperamos que prepare outros trucos e que en vindeiros anos volva a visitarnos.

Aquí vemos a Leo cos seus axudantes aprendices de magos/@s

O pasado xoves 21 de maio dous monitores de EDUVIA, Vías para a educación, achegáronse á nosa Biblioteca Municipal Poeta Lois Pereiro De Monforte de Lemos para xogar con 26 rapaces e rapazas de entre 4 e 12 anos. Pasaron hora e media moi divertida contestando preguntas, redactando historias e falando de D. Xosé Filgueira Valverde, persoeiro a quen se lle adica este ano as Letras Galega.

Coincidindo co 500 aniversario da publicación da segunda parte de “El Quijote”, adicada ao  Sétimo Conde de Lemos, o xoves 23 de abril celebramos o Día do Libro na biblioteca Poeta Lois Pereiro de Monforte. Da man de Elena Carracedo  Leirós un grupo de nenos e nenas de entre 6 e 12 anos dramatizaron un episodio da obra, e despois, nun obradoiro  creativo confeccionaron un marcapáxinas lupa .

Pasaron unha tarde moi divertida e quedaron con ganas de repetir.

O día 31 de marzo de 12 a 14 horas, quince investigadores de entre sete e doce anos visitaron a Biblioteca Municipal de Monforte de Lemos para recoller a información que lles permitiu levar a cabo importantes experimentos científicos. Pasaron dúas horas moi divertidas coas monitoras de IMAXINATIA que os orientaron en todo momento polo divertido e misterioso mundo da ciencia.

Tan contentos quedaron que esperan repetir a experiencia.

Babaluva Teatro achegouse o día 8 de outubro ata a Biblioteca Municipal de Monforte para traerlles froitas e verduras ós rapaces e rapazas, e amosarlles a cantidade de cousas que se poden facer con elas  .

Descubriron as posibilidades artísticas de leitugas, repolos, castañas…..e cada un sacou o artista que leva dentro.

Pasáronno moi ben e quedaron con ganas de repetir o ano que vén.

O mércores 24 de setembro tivo lugar na Biblioteca Municipal de Monforte de Lemos un taller de marionetas de papel. Máis de vinte nenos e nenas de entre 6 e 11 anos participaron na elaboración dunha marioneta de papel.

Esta actividade tivo unha acollida moi boa, e foi altamente valorada polos nenos e nenas así como polas súas nais e pais que se implicaron na mesma.

Quedaron tan contentos que piden máis para o ano próximo.

O luns 19 de maio dezasete nenos e nenas participaron no obradoiro creativo para facer un retrato cubista do autor ao que se adica este ano o Día das Letras Galegas.

Fixeron un retrato cubista do autor que simboliza as diferentes facetas artísticas do mesmo, e a súa doble condición de poeta e traductor.

O resultado foi do agrado dos pequenos artistas que opuxeron moito da súa colleita. Dende logo ningún retrato foi igual a outro, todos deixaron ver a imaxinación de cada un dos autores.