Adela chegou cos seus zapatos de charol á B.P.M. do Pereiro de Aguiar para festexar o Día da Biblioteca. Traenos unha casiña de cartón que alberga unha chea de animais.

O luns día 24 de abril, o chocolate aromatizou a biblioteca do Pereiro de Aguiar da man do cociñeiro Antón e a pasteleira Tomasa. ¿De onde ven o chocolate? Unha aventura moi divertida para coñecer o segredo mellor gardado.

Na fría tarde de onte mércores día 22, os contos de Pablísimo sorprenderon ós máis pequenos. Cunha dinámica moi participativa as letras deron significado ás palabras e éstas ós contos ,que eran tantos que case chegaban ó teito…

Para celebrar o Día do Libro, a Biblioteca do Pereiro de Aguiar acolleu o venres día 22 de abril, o espectáculo “Cabaret Infantil Prodixio”. Unha maleta chea de medos aos que todos os asistentes plantaron cara e moitas historias que atraparon aos máis pequenos completaron a tarde.

O xoves día 31 de Marzo, a compañía Os Contos de Pablísimo representou na B.P.M. do Pereiro de Aguiar  o espectáculo Mans, dentro do Programa Ler Conta Moito.

Os nenos e as nenas mergulláronse no mundo animal a través das sombras, contos e cancións.  As mans inquietas dos máis pequenos tamén formaron parte da posta en escena, que rematou con risas e aplausos.

Canto gustaron os contos do cociñeiro Antón e a pasteleira Tomasa. Fixeron pasar unha tarde moi divertida á rapazada que asistiu acompañada polos seus pais e as suas nais.

E para rematar ensináronlles a facer unhas magdalenas que gustaron moitísimo porque … “o amor e a cociña … riman de maravilla”.

Na tarde do xoves do 14 de maio, para festexar as Letras Galegas, chegou á biblioteca municipal, da man de Avoa Youja o espectáculo “Soñei que era unha árbore”; espectáculo que recreou o nacemento dunha árbore a través da música e imaxes creadas con xogos de luces e auga. Tantos os cativos como os familiares que os acompañaban quedaron abraidos co mesmo e non perderon detalle.

Na Biblioteca Municipal celebramos o día do libro o 27 de abril da man do espectáculo “Palabras PercuDitas” , que ao ritmo da música nos descubriron fermosas historias da época da nada, cativos que descobren monstruos que se fan os seus amigos … Tanto cativos como maiores non quixeron perder o fío destes contiños.

df

Que mellor maneira de celebrar o Día da Biblioteca que rodeados de bos libros, boa música e boa compañía. Así aconteceu a tarde do 24 de outubro na Biblioteca Municipal do Pereiro de Aguiar. Tanto os cativos como os non tan cativos, pasaron un ratiño moi divertido coñecendo instrumentos musicais, cantando, descubrindo versións moi divertidas da coñecida A Saia da Carolina, escoitando música con instrumentos feitos con materiais de refugallo, … resumindo, desfrutando dun espectáculo moi musical, participativo e entretido.

Na Biblioteca quixemos celebrar o Día do Libro, entre outras actividades, cos cativos do concello, xa que debemos comezar a fomentar a lectura desde idades tempranas. Para iso contamos coa presenza de Pablo Díaz que lles ensinou o son e formas de diferentes instrumentos, contou historias ben bonitas como a dun rato que viaxa ata a lúa, e ensinounos as cores grazas a un crocodilo.

Tarde de música e contiños para os mais cativos.