O sábado 13 de setembro tivemos un espectáculo de maxia na biblioteca, coa maga Fani e o ilusionista Martín Camiña. Foi unha maneira diferente de transmitir emocións (sorpresa, asombro…), xerando ilusión na rapazada, que participou activamente.

Pasamos unha tarde de risas e aplausos, moi entretida, que nos encantou tanto aos grandes como aos pequenos.

O pasado día 25 pasamos unha tarde estupenda acompañados dos CantaContos de Tania Justo. A cativada estivo moi atenta e participativa, mergullándose nas diferentes historias e melodías, a través dos contos da editorial Kalandraka. As nais e pais tamén o pasaron en grande.

O pasado 21 de maio celebramos as letras galegas na biblioteca con Antón Ké, cun contacontos ilustrado e musicado ao ukelele baseado na vida  e obra das mulleres homenaxeadas neste sinalado día. Pasamos unha tarde estupenda cun espectáculo moi animado que fixo desfrutar moito aos alí presentes.

Todo aquelo que forxa os cimentos da casa que todos construimos o longo da nosa existencia coas nosas vivencias.

Foi unha actividade acollida con moita emoción, e moi valorada.

Hoxe tivemos a sorte de escoitar os contos que nos tiña preparados Anxo Moure e ata demos un pequeno paseo pola praza da igrexa do noso pobo na súa ciclobiblioteca! A rapazada pasouno xenial entre contos, risas e moita música!

O pasado 20 de maio tivemos con nós a Carmen Domech e Olga Abad, viaxeiras no tempo, que nos levaron a outras épocas  e lugares a través do alfabeto, para coñecer ás mulleres que foron recoñecidas coas Letras Galegas, entre elas, por suposto, Luisa Villalta. Foi un pracer!

Os rapaces construiron o seu primeiro vehículo autónomo ou robot, fixeron unha carreira e participaron nun concurso de creatividade.

Exposición biográfica de Francisco Fernández del Riego dun xeito lúdico e pedagóxico, que cautivou ao público dende o primeiro momento.

O Obradoiro “O mundo da dobraxe” resultou todo un éxito. Ademais de explicar á rapazada participante en qué consiste a dobraxe dun xeito ameno e divertido, a sesión foi moi participativa, involucrando aos nenos e nenas que tiveron a ocasión de dobrar un fragmento dun episodiro de “Bon Esponxa” ao galego. En resumo, a actividade cumpliu con creces as expectativas do público asistente, que ao final viu o resultado do traballo en equipo, con esta sesión de dobraxe, un apartado das artes da comunicación audiovisual que merece ser coñecido e recoñecido.

O pasado día 24 de outubro puidemos gozar da obra teatral “Estrazalonia”, da compañía “O baúl da tía tola”.

Un espectáculo dirixido a nenas e nenos de 1 a 5 anos para que viaxen, a través das emocións, sensacións, sorpresas e ilusións, ao mundo de Estrazalonia, onde ademais de falar galego tamén se fala o “tilintilonio”.

O público infantil pasouno en grande con este espectáculo tan divertido.