Bichocas  de Xarope Lulú foi un espectáculo de contacontos adicado á primeira infancia que tivemos o pracer de ter en Rois  o pasado mércores 21 de outubro.

Atenea contounos diversas historias onde os animaliños foron os protagonistas, acompañados de música, sons e movementos que coparon a atención dos máis e das máis pequenas. Rematamos a función a golpe de pandeireta, cantando todo o auditorio alí presente!

E si, tomamos as medidas necesarias para facer de Rois e da cultura, un lugar moi moi seguro!

NA A.L.M. XOGAMOS A SER DETECTIVES, RESOLVENDO  O CRIME DO ROUBO DUN IMPORTANTE MANUSCRITO POR MEDIO DAS PROBAS E O ADN NUN LABORATORIO CASEIRO.

 OBRADOIRO AUDIOVISUAL DE DOUS DIAS

OS/AS PARTICIPANTES REALIZAON UN GUIÓN, RODAXE E MONTAXE RELACIONADA CO NOSO CONCELLO

O Mago Teto realizou un emocionante e máxico show remontándose a 29 anos atrás cando contemplou un truco de maxia do seu avó que o fascinou e cambiou a súa vida por completo,Divertido, irónico e sempre sorprendente foi debullando un completo repertorio de trucos de naipes, lume, moedas, etc que deixaban coa boca aberta ao público nun rápido resumo de miles de anos de maxia.

O 8 de outubro,  tivemos a representación “Dulcinea a nena cabaleira ” a cargo  de Anxo Fariña escritor e ilustrador.

Charo Pita contounos historias de aventureiras que deron a volta o mundo, viaxaron por Africa, volaron ao espacio… Descubriunos mulleres que loitaron polos seus credos…Rematamos a sesión con música e baile.

O pasado 28 de setembro estivo con nós Paula Carballeira,  coa súa obra ” Elas tres (a nai,  a nena, a bruxa) divertida actuación.

O pasado venres tivemos a sorte de recibir na BPM de Sarria á actriz e escritora Celtia Figueiras, quen nos relatou o conto de “U-la lúa?”, unha gatiña que quería cumprir un soño: viaxar.

Cos seus monicreques de mesa e a súa voz, a artista conseguiu que as nenas e nenos seguiran con moita atención a historia. Participaron e riron ao longo de todo o conto, e aprenderon a importancia das amizades e da unión para que os soños se fagan realidade: a felicidade dos demais tamén é a túa.

O mércores 21 de outubro desenvolveuse na biblioteca de Narón o obradoiro para persoas adultas Como contar contos, da compañía A Escola das utopías.

Neste obradoiro ofrecéronse as ferramentas básicas para ser un bo contador ou contadora de contos. As pautas descritas polo actor Pedro Brandariz serven tamén para aquelas persoas que, sen ser contadoras, teñen que falar en público, polo que o obradoiro foi de moito aproveitamento.

O domingo 25 de outubro visitounos Brais das Hortas co seu espectáculo “Contos para caghar patatillas”. A través da narración de diferentes historias de medo, ensinounos a facerlle fronte aos nosos medos, con humor e divertidas actuacións musciais. Foi un espectáculo moi dinámico e entretido.