O carteiro chegou á bilblioteca para entregar cartas de Clementina, de Rosa Caramelo e da protagonista de Eu vou comigo. Mediante estes contos, usando monicreques e animais de papel, as crianzas comprobaron que hai que rexeitar as situacións inadecuadas para a convivencia ou coas que non estamos a gusto.
Seguimos có programa Ler conta moito 2019 na súa categoría de Igualdade e Violencia de Xénero coa visita de Aldaolado que nos trouxeron ” A ovella Engracia” a Allariz.
Esta vez disfrutaron as nenas e nenos de 6º de educación infantil, 1º e 2º de educación primaria do CEIP Padre Feijoo de Allariz.
Gozamos dun conto con música en directo , onde a voz e guitarra de Lucía Aldao nos fixeron soñar e a ovella Engracia ( Maria Lado) nos fixo botar unha morea de risas. Unha obra que transmite valores coma a igualdade e a confianza nas propias capacidades.
Encantadísimas de ter a este dúo de ovelliñas en Allariz.
Grazas ALDAOLADO e ata a próxima
Este xoves día 10 de outubro ás 18.30 horas, case 30 persoas entre adultos e crianzas achegarónse, da man de Miguel Cortés, á arte milenaria da papiroflexia. Partindo de simples cadrados de papel iremos dándolles forma ata chegar a facer figuras con e sen movemento coas que os pequenos e os non tan pequenos van poder xogar e deixar voar a súa imaxinación.
Todas as persoas participantes levaron as súas obras nunha caixiña como recordo.
Este xoves día 11 tivemos na Biblioteca Rego da Balsa a Olga Brañas, que nos ofreceu o seu espectáculo “Cinema e música con Buster Keaton”.
Nel, Olga acompañaba co seu piano un dos filmes máis coñecidos de Buster Keaton, Sherlock Jr., e resultou ser unha actividade do máis orixinal e inspiradora, ademais de facer unha gran labor de difusión das artes cinematográficas.
Os asistentes saíron moi satisfeitos do noso auditorio.
A actividade desenvolveuse en tres momentos, unha parte expositiva na que mediante unha proxección se lles explica diferentes contidos científicos relacionados coa temática dos foguetes, un obradoiro no que construiron un foguete por grupo e un apoteósico final co lanzamento dos mesmos.
O Raposo Rufo foi o guía para instruir aos rapaces/zas nos contidos do coidado da natureza, reciclaxe e hábitos saudables. Unha pequena exposición seguida dun obradoiro nos que deseñaron os seus propios títeres. Moi amena e participativa.
Esta mañá Pablísimo presentou aos máis cativos e cativas do noso Concello os príncipas e princesos que habitan os seus contos.
Case unha hora de historias, risas, música e moita aprendizaxe na Casa da Cultura de O Pino para comezar a celebrar o Día das Bibliotecas con contacontos nos que se lle dá unha volta aos roles de toda a vida. Contos de toda a vida contados dunha maneira diferente, cos personaxes de sempre con roles diferentes e cun toque de actualidade.
O día 11 de outubro asistimos en Bergondo a este espectáculo interactivo, da man de Galeatro.
A actividade logrou facer pensar á rapazada, e crear conciencia sobre moitas actitudes de violencia de xénero que se ven máis do que nos gustaría, na sociedade de hoxe en día.
O 9 de outubro tivemos a actuación da ovella Engracia na biblioteca de Bergondo, á que asistiron os/as nenos/as de 2º de educación primaria.
Actividade moi divertida con mensaxe contra a violencia de xénero.
O Señor Basilio é o bibliotecario da biblioteca onde Carlos, dende pequeno, descubriu a súa paixón polos libros, un destes libros espertou nel o interese pola maxia, dende que leu ese libro adicouse por completo o mundo do ilusionismo.
Este espectáculo de historias bibliotecarias e trucos de maxia encandeou os asistentes que pasaron unha tarde divertida co Señor Basilio e Carlos.
Séguenos