O día 13 de maio dentro da programación da semana das Letras Galegas na sala infantil da biblioteca municipal de Oroso tivo lugar o obradoiro “Títeres nas mans” no que os nenos/as crearon sobre as súas mans os personaxes das historias que ían inventando.
O día 23 de abril con motivo do día internacional do libro na sala infantil da biblioteca municipal de Oroso celebrouse o obradoiro “Instantáneas de plastilina”. Os participantes a través da plastilina déronlle vida aos personaxes das súas historias.
O mércores 14 de agosto recibimos a visita de Raquel Queizás coas súas “Historias da maletra”.
Raquel achegounos diversos contos tradicionais a través de diferentes obxectos que aparecían na súa “maletra”. Resultou unha sesión moi participativa e divertida.
O día 7 de agosto tivemos a sorte de recibir na nosa biblioteca o espectáculo “O aviador” da compañía Elefante Elegante.
O protagonista da actividade, un aviador, coñece a un moucho que ten un problema co sol e pretende axudarlle. O actor foise convertendo en diferentes personaxes e enriquecendo a historia con sombras chinesas, música, bengalas…
Foi a unha sesión moi divertida e o público asistente saíu encantado.
Os nenos e nenas de Catoira puideron coñecer algo máis sobre outras culturas a través da súa mitoloxía, prestando especial atención á dos vikingos, xa que este obradoiro impartiuse o 3 de agosto, en plena celebración da Romaría Vikinga. A través de proxeccións, libros e actividades, os pequenos descubriron eses mundos que mesturan realidade e ficción.
O pasado 14 de maio celebramos o día das Letras Galegas co espectáculo “camiño de historias” de Migallas teatro. Os rapaces gozaron e estiveron moi participativos nesta actuación que mesturaba contos e músicas de varios continentes.
O venres, nenos e nenas de Celanova pasaron unha divertida mañá facendo teatriños con caixas de zapatos e monicreques de papel, axudados por Miren Mirari.
O pasado venres, 9 de agosto, nenos/as e maiores gozamos en Carnota co espectáculo Príncipas e princesos, unha divertidísima sesión de contacontos a cargo de Pablísimo. O contador, botando man de diferentes recursos teatrais coma o kamishibai ou monicreques, achegounos unha reflexión sobre a igualdade de xénero, mediante a narración de contos atípicos con cambios de rol e inversión dos papeis tradicionais.
Rematamos a sesión cun conto musical, cuxa banda sonora correu por conta do público, que con mestría fixo soar unha morea de instrumentos insólitos.
O domingo 3 de agosto, coincidindo coa celebración da Romaría Vikinga, os nenos de Catoira gozaron dun divertido espectáculo de monicreques na Praza do Concello, situada a carón da Biblioteca. Os artistas de Seisdedos animaron o público con personaxes como a bruxa Lola ou a cabuxa Carolina.
Os nenos e nenas que participaron no campamento urbano que se realizou en Irixoa no mes de xullo realizaron na biblioteca do 9 ao 12 nun obradoiro onde afondaron nas súas capacidades creativas realizando diferentes actividades relacionadas coa creación da imaxe en movemento a partir de imasen fixa, o resultado foi a edición de 3 películas de corta duración da que os nenos e nenas poideron desfrutar o último día.
Séguenos