O día 15 de maio os nenos de 5º de primaria realizaron un obradoiro creativo a cargo de Luis Vallecillo dentro do programa do mes das letras galegas na biblioteca de Covelo.

O 26 de abril visitou a biblioteca de Covelo  Ana Romero. Realizou dúas sesións, unha para os máis cativos, os nenos da Galiña Azul de 0 a 3 anos e a outra para os nenos de infantil e 1º de primaria do colexio de Covelo.

A actividade desenvolveuse o 23 de abril para rapaces de 4 a 12 anos no salón de actos Na Casa da Cultura.Raquel Galavís caracterizada do principiño narrou a historia referente a Madagascar e ao mesmo tempo proxectaba imaxes  polo que os participantes descubriron unha cultura, flora e fauna diferente dun xeito moi particular, asi como a ilusión e a esperanza.

Cos Kontos de Akí e da Akolá vinte nenos de entre 4 e 7 anos viaxaron sen sair da Biblioteca e coñeceron en forma de conto como viven os nenos de outros paises e continentes

Marisa Irimia cos seus CONTOS DE AKÍ E DE AKOLÁ non deixou de sorprender a pequenos e maiores.
Achegounos a outros lugares a través das súas palabras.

OS NENOS E NENAS DE SALCEDA PASARON UNHA TARDE MOI DIVERTIDA COS CONTOS DE SOBREMESA DE PABLISIMO.

Aos magos noveis costoulles un pouco iniciarse na maxia…

O pasado venres 5 de xullo a Biblioteca Casa dos Fraga de Cambados inaugurou por todo o alto as actividades infantís de verán, grazas ao espectáculo de Chrystyan Magic “Na senda da serpe alada”, que mesturaba lectura e maxia. Máis de 50 persoas, entre pais e nenos, gozamos dunha sesión divertida e chea de sorpresas!

Manuel Solla de Expresión Produccións achegouse o pasado 10 de maio a Biblioteca Municipal de Pontecesures co seu espectáculo “Contos para todos”.

A combinación de maxia, títeres, e humor convirteu a biblioteca nun lugar cheo de ledicia e deu lugar a un fermoso espectáculo participativo, do que gozaron os nenos e nenas de 3º e 4º de Educación Primaria do CPI Pontecesures.

As dúbidas, os medos, as mentiras non só as teñen os humanos, os animais tamén as sofren. Con esta proposta titulada “As dúbidas dos animais” presentouse o pasado 14 de maio EDUVIA na Biblioteca Municipal, ante os nenos e nenas de 1º e 2º de Educación Infantil do CPI Pontecesures.

María Noel e unha presa de cativos, usuarios habituais da Biblioteca Municipal de Ordes, xuntáronse o 16 de Maio para celebrar o Día das Letras Galegas. Armados con plastilina, cartóns , libros de manualidades e moita, moitísima imaxinación, fixeron marabillas nunha tarde na que, sen dúbida, disfrutamos todos. Ao tempo, os cativos visitaron a mostra que sobre as Letras Galegas expuxemos na biblioteca. Que creatividade a dos nosos rapaces e rapazas!