Onte mércores, Caxoto trouxo ó salón de actos da ALM de Vilariño en Cambados, un conto no que os nenos e nenas interactuaban co contador. Unha activiadade didáctiva onde daba a coñecer varios dos instrumentos musicais de cultura tradicional galega como a gaita galega ou a pandereta.
O luns 7 de outubro, Pedro Brandariz achegouse á Biblioteca de Portonovo para compartir con nós a súa proposta de Igualdade.
Tanto os maiores coma os cativos estiveron atentos, entretenidos, e bastante participativos tamén.
Temos que rachar cos estereotipos, e Pedro Brandariz puxo enriba da mesa o uso da cor rosa nas nenas e o seu rexeito por parte dos nenos: todos somos libres para poñer as cores que nos fagan sentir ben!
A pirata escarlata chegou á Biblioteca Pública Municipal de A Fonsagrada da man de Marisa Irimia. Así, as nenas e nenos usuarixs da escola infantil A Galiña Azul, puideron coñecer as súas aventuras e os seus soños para alcanzar un mundo en igualdade de xéneros. Ademais Marisa, na súa maleta, agochaba cousas fantásticas para estimular os sentidos. Que ben o pasamos!
O pasado sábado ás 12:00 visitou a biblioteca das Pontes Caxoto para falarnos dos micromachismos. A rapazada participou dando a súa opinión e desfrutando do contacontos. Rímonos, aprendimos algunas cousas e sobre todo reflexionamos sobre a necesidade de acadar a igualdade real entre homes e mulleres. Unha actividade moi recomendable. Xa estamos desexando ter de novo a Caxoto contando historias nas Pontes.
Na tarde de onte os nenos e nenas da parroquia de Corvillón, en Cambados, desfrutaron e aprenderon con historias sobre mulleres que foron invisibilizadas ao longo dos anos; da man de Ana da Asociación Cultural Lisístrata.
O venres, 4 de outubro, Electra visitounos na biblioteca de Mera e ensinounos unha casiña moi especial. Invitounos a pasar á casa das letras e puidemos ver como se visten, lavan os dentes, almorzan e mesmo, a máis agarimosa de todas, deunos unha forte aperta.
Para rematar as nenas e os nenos fixeron o seu propio monicreque das letras e pasamos unha tarde verdadeiramente divertida todxs xuntxs.
Contos e música pola igualdade con María Faltri e Jorge Juncal“Ela, soña con sentirse en paz e liberar os seus segredos, sen ser xulgada polo seu aspecto e a súa identidade, libre para ser ela mesma e chegar a tocar a lúa. Decidida a emprender a súa viaxe emocional e manifestar o seu poder interior“
Dentro da Programación “A Biblioteca conta en Igualdade” que ten lugar en todo o mes de Outubro na Biblioteca Municipal, dentro do Prograa Ler Conta Moito_Igualdade, o venres pasado tivo lugar a contada de “Contamos en Igualdade” da man de Eduvia Xetión Cultura e Lecer. A actividade tivo boa acollida polos seus e súas participantes.
A Biblioteca Pública Municipal de Caldas de Reis “P. M. Martínez Ferro” organizou o pasado venres 4 de outubro a actividade “Contando números, cantando cores” a cargo de Pablo Díaz. O músico coruñés moi coñecido pola xente miuda grazas aos seus traballos discográficos e colaboracións fíxonos reflexionar e por suposto pasalo moi ben cos seus contos e cantos.
Xan Perillán, da compañía Os monicreques de Kukas, visitou este xoves a nosa biblioteca, implicando aos asistentes na preparación da súa maleta máxica que levaría de viaxe ao Brasil.
A música e a maxia acompañáronnos en todo momento xunto cun loro e un can que desaparecían baixo un sombreiro e n
unha caixa.
Séguenos