Este venres para celebrar o Día do Libro, tivemos na Biblioteca José Saramago de Santa Marta, unha morea de contos divertidísimos que fixeron as delicias da cativada. Libros que dende o humor traballan cuestións tan importantes como a igualdade, a autoestima, a amizade ou a solidariedade.
Pasamos unha tarde moi amena e participativa da man de Soraya Lema, estamos desexando repetila.

O pasado venres tivo lugar na biblioteca un obradoiro de cómic dirixido a nenos/as de 6 a 12 anos no que os cativos puideron convertirse en ilustradores do seu propio cómic e adicarllo a  súa superheroína favorita.

O 25 de abril ás 17.30 h,  Pablísimo achegou á biblioteca municipal do Grove o espectáculo de narración oral “Cabicivai” .

Cabicivai é un espectáculo sobre rodas, unha bicicleta, un Kamishibai e tres caixóns dos que podía saír calquera cousa!!!.

Para conmemorar o 23 de abril, Día do Libro, a biblioteca municipal convidou a veciñanza a participar nun espectáculo de maxia, humor e ilusionismo a cargo do Mago da Boina e a súa pequena axudante Nami.
Ler máis →

A Biblioteca Xela Arias de Chapela celebrou o Día do Libro coa rapazada, a través do obradoiro creativo: «Contos en construción».

Unha proposta do grupo Costa Oeste que xoga a misturar contos clásicos, arquitectura e xogo espacial.

Unha actividade que parte do conto dos Tres Porquiños e lanzando a proposta aos participantes para que sexan quen de idear e proxectar as construcións necesarias para eses cochiños que xa afrontan a emancipación e a vida adulta.

Nenos e nenas participantes deixáronnos moi sorprendidos pola súa creatividade e por proxectar solucións moi orixinais e divertidas para as vivendas destes marranchos tan singulares.

+ INFO: https://redondela.gal/es/un-dia-do-libro-redondo-nas-bibliotecas-municipais

Celebrando o Día do Libro na Biblioteca Pública Municipal “Irmáns Camba” de Vilanova de Arousa

Manuel Solla, a través do seu espectáculo “Viaxa cos libros” foi capaz de facer voa-la  imaxinación de todos os nenos e nenas asistentes á Biblioteca Municipal Irmáns Camba o mércores 23 de abril.

Unha actividade entretida e dinámica , na cal participaron activamente os nenos provocando neles momentos de risas e sorpresa.

Dori pediu a colaboración dos nenos e nenas para facerlle agasallos a súa avoa

que estaba de cumpreanos,

sí sí oitenta anos cumpría ,

algúns non lle sairon ben pero outros sí.

Contacontos no que viaxamos as Américas con Castelao

Contos en construción estivo unha vez máis en Camariñas. Os nenos non quixeron perder a oportunidade de facer a vivenda para os seu porquiño e guiados por Sheila expresaron todo o seu potencial. Alto grao de satisfación.