Onte tivemos a sorte de recibir a visita de Sarabela Teatro na Biblioteca de Darbo. Deleitáronnos cunha sesión de contos moi entretida, na que houbo moito humor e incluso algunha que outra canción. Rapunzel e Gretel estiveron do máis divertidas, en todo momento captaron a atención dos rapaces asistentes logrando a súa participación. Ó final da actuación ensináronnos un bonito libro cunhas ilustracións despregables de contos cásicos fantásticas que gustaron moito ós mais cativos.

O pasado 18 de abril desfrutamos na Mediateca do Grilo (Teo) dunha sesión de contacontos dirixido a nenos e nenas entre 5 e 11 anos a cargo de Marta Ríos, de Talía Teatro.

Din que cada persoa é un mundo, pero Samba, a nosa protagonista, garda varios mundos dentro dela. Din que a Terra tamén é un mundo, pero se nela viven milleiros e milleiros de persoas, en realidade a Terra son milleiros de mundos diferentes. De entre todos eses mundos, Samba vai escoller uns poucos para contarnos as súas historias. Son, polo tanto, mundos contados, mundos que existen desde hai moito tempo. Algúns permanecen, outros non. O que si conservamos son os seus contos. Xa se sabe, mentres hai memoria, hai esperanza.

o día 22 de abril a biblioteca de Lourenzá celebrou o dia do libro cun contacontos a cargo de Raquel Queizás baixo o título a ” a maleta da avoa”, onde os máis pequenos desfrutaron cos contos.

O sábado 12 de abril Xanela Ocio visitou a Biblioteca Ánxel Casal e isto foi o que nos trouxo:

Contos en galego adaptados ao revés. Nos contos de Xanela Ocio, as bruxas son boas e os príncipes feos.

Traballamos a igualdade e o respecto polos demais e polo medio que nos rodea de xeito ameno, divertido e educativo.

Consultar o enlace ao evento no Facebook da biblioteca

“Os Contos de Pablisimo” coa actividade “¡RÁS! Contos Batracios” visitou a Biblioteca Pública Municipal de Cedeira, cunha serie de contos curtos donde os animais son os protagonistas, entre eles “Raniñas nun coche”, “Sapo e Sepo”, etc, participando os nenos cantando e repetindoos co artista.

Estos contos cheos de elementos visuais acompañaban as historias.  O final os nenos dixeron que os contaba moi ben, e o resultado foi excelente, e pedian, outro, outro, outro, …

Leo consigue coa súa maxia que ata os libros boten lume.

Espectáculo moi divertido. A artista sabe como chamar a atención dos máis pequenos/as.

Os rapaces/as participan na execución dos trucos, rinse e están coma hipnotizados todo o tempo que dura a función. Múltiples referencias a lecturas.

O venres 11 de abril, a asociación teatral Garabullo representou na Axencia de Lectura de Santiso a obra “Unha pinga de mel”  a través da cal, coñecemos a importancia das abellas no medio ambiente.

O venres 4 de Abril festexamos na Axencia de Lectura Municipal de Chapela o Día do Libro Infantil e Xuvenil, convidando aos máis cativos a achegarse aos contos e mais á práctica de experimentos científicos.

A contadora Nita amenizou unha tarde moi divertida e instrutiva, onde pais e nenos gozaron da maxia da ciencia.

A actividade realizámola en dous grupos:

– Un primeiro grupo, con cativos/-as de 2 a 3 anos.

– Un segundo grupo, con cativos/-as de 4 a 6 anos.

Pais e nenos saíron moi satisfeitos, as valoracións foron moi boas e todos aprendemos e gozamos coa actividade.

VER MÁIS NO BLOG DAS BIBLIOTECAS DE REDONDELA: http://bibliotecasredondela.blogspot.com.es/2014/04/a-ciencia-divertida-de-nita-na.html

O 28 se marzo na Biblioteca Pública de Pontevedra conmemora o Día Internacional do Teatro cun divertido espectáculo de monicreques e maxia da man de Manuel Solla.

Espectáculo de narración oral no que O Duende Dada deléitanos cun repertorio de contos marabillosos nos que están presentes valores moi importantes: Convivencia, Traballo en equipo, Igualdade, Medio ambiente

Tamén nos descobre o lugar onde podemos encontrar todas esas historias, por iso nos fala dos libros, a lectura, as bibliotecas, como a nosa.

Moitos nenos participan con Dada neste Contacontos máxico. Unha forma moi divertida de fomentar a lectura entre os máis pequenos.

Consultar o enlace ao evento no Facebook da Biblioteca