Onte día 30 de xullo o mago Marco realizou un obradoiro de maxia para os nenos e nenas que participan no campamento de veran 2024 de Irixoa. O obradoiro tratou de ser unha escola de maxia que estimulara a fantasía e a imaxinación dos menores participantes. Empregou teatro, debuxo, traballos manuais…. Fabricaron os seu propios artiluxios máxicos e pasarono en grande!

O xoves día 18 volveron outra vez á biblioteca de Beariz as mozas de “Heroes para a ciencia”. Fixeron varios experimentos moi divertidos que gustaron  a todos os asistentes, moitos deles con ganas de repetilos en casa. Pasamos unha mañá moi amena e interesante.

Grazas pola vosa visita.

Este luns, os máis pequenos/as de Santiso, levaron a cabo un obradoiro de imaxinación e creatividade no que a muller xogaba un papel moi importante.

O pasado luns, día 8, preto de 40 nenos/as debuxaron a través dun obradoiro de comic unha chea de persoaxes. Foi unha sesión moi divertida e con moito talento.

O día 10/07/2024 na Biblioteca municipal Segundo Gil Davila de Arbo tivo lugar esta actividade  centrada na importancia la leitura e a evolución histórica dos libros, na que os cativos puideron aprender cómo se facían os libros antigamente, e cómo se fan agora. O obradoiro foi moi participativo, e os nenos ata tiveron a oportunidade de crear e maquetar os seus propios libros que levaron para casa. Unha aprendizaxe moi boa e interesante para fomentar a leitura e a escritura dende novos.

A actuación comezou ás 11.30 h e rematou ás  12.30 h; acudiron un total de 30 nenos e nenas de seis a trece anos de idade, e 2 adultos.

O pasado 31 de maio  un grupo de nenos e nenas pasaron unha tarde entretida escoitando o conto “Os Nunkis” uns seres máxicos e invisibles, este acompañouse  de música en directo e transmitiulles  valores moi importantes como son a escoita,  o respecto, o traballo en grupo….

Para rematar realizaron un obradoiro creativo onde non faltou a música e tanto cativos como maiores expresaron a través  do debuxo o que lle transmitiu o relato.