O 15 de maio é o Día Internacional das Familias. Para celebrar esta efeméride, a biblioteca de Dodro contou co Iolanda Eiras e o seu espectáculo “ Fogares de cores”. Actividade, educativa e tamén divertida, que nos amosa que existen moitas formas e conceptos de familia.

O  día 15 de maio con motivo da celebración das nosas letras,invitamos a Caxoto para realizar unha contada sobre a igualdade, os nen@s e non tan nenos pasamos unha tarde moi agradable e amena.

A poeta Yolanda Castaño trouxo onte  a San Sadurniño a charla “Muller, poeta, en galego… e polo mundo!”, na que deu conta das dificultades e prexuízos machistas que ela e outras mulleres creadoras tiveron que superar para abrirse paso no ámbito literario. Porén, Castaño -Premio Nacional de Poesía 2023- tamén aproveitou para falar de Luísa Villalta, homenaxeada este ano polas Letras Galegas. Malia seren de dúas xeracións distintas, aínda que próximas, ambas compartiron proxectos e amizade até o pasamento prematuro da autora coruñesa, descrita por Yolanda Castaño como unha muller “dunha grande paixón creativa”.

Os nenos e nenas de Cerdedo-Cotobade desfrutaron dos contacontos de animales da man de A.C. Os Carballiños na Biblioteca Pública de Cerdedo. Risas, emoción e moita diversión

Unha tarde do máis completa en familia con Luísa Villalta gracias a Polo Correo do Vento. Con narración oral, música e debuxo. Pasámola realmente divertida!!!

Feliz Día Das Letras Galegas

Tarde de diversión na Biblioteca de Lalín co contacontos- obradoiro O lapis que non quería ir a escola! Pasámolo xenial tanto os cativos como os adultos!

Na tarde do martes 14 de maio de 2024, na Biblioteca José Saramago do CSC de Vite, dez nenos e nenas axudaron a Antonio Manuel Fraga Allegue a atrapar ao monstro Negra Sombra. Este levaba moito tempo atemorizando a Rosalía de Castro, que estaba farta da situación. A cativada asinou un contrato para ser investigadoras da Axencia Cazadora de Monstros e Espectros e, entón, comezou a aventura narrada de dar con este monstro que estaba agochado na Casa da Matanza da poeta galega. Os seus versos estiveron moi presentes. Así, estes empregáronse para nomear os equipos establecidos (como “Adiós ríos, adiós fontes”) ou para servir de pistas no xogo (como o caldo da “Miña casiña, meu lar” que sixilosamente comía unha das personaxes sospeitosas). As crianzas seguiron moi atentas e moi participativas o misterio de Negra Sombra e, unha vez atrapada, fixeron un debuxo para representala e levala de recordo. Foi unha actividade moi divertida e  interesante, repleta de intrigas!