Seguimos coas actividades do programa Ler Conta Moito 2016, hoxe visitáronnos  Xiana Lastra e Olga Brañas co espectáculo ” Pitusa Semifusa”.

Esta vez tocoulles aos mais pequeñiños do Colexio Padre Feijooo de Allariz, os nen@s de 3, 4, e 5 anos de educación infantil.

Gozaron dun espectáculo con música e voz en directo que  achegounos a coñecer un pouco mais os instrumentos musicais e as súas familias, dun xeito lúdico, dinámico e moi participativo.

Sombreiros por aquí e acolá….Unha boina, un casco, de copa…e ata o dunha meiga…. viaxaron nunha maleta chea de imaxinación ata Cotobade, onde os nenos e nenas descubriron e tamén colaboraron  na narración das historias.

“Rois no Camiño das Letras Galegas” iniciou a súa actividade cos centros educativos, cunha charla coloquio coa pedagoga, mestra e escritora Concha Blanco. O alumnado de educación secundaria do CPI Os Dices- Rois, puido conversar acerca da lingua galega e a figura de Manuel María.

Envío dúas fotos do contacontos “Conto Contigo” de Expresións Produccións, realizada o venres 22 de abril na biblioteca municipal de Poio. Maiores e pequenos pasámolo moi ben e disfrutamos moito coas historias que nos contaron. Agardamos repetir pronto a experiencia.

O venres 29 de abril tivemos na Biblioteca Municipal de Ordes o grupo “Xarope Tulú” coa actividade “A falta de pan, bos son contos”. Estivo xenial. Grazas a vós, unha vez máis, a biblioteca énchese de vida!!!!!

Minia Regos realizou coas quince rapazas e rapaces asistentes ó obradoiro unha actividade consistente na realización de pequenas curtametraxes mediante montaxes fotográficas coa utilización de diferentes técnicas (modelado de personaxes de plastilina, cartolina,…) durantes os catro primeiros sábados do mes de abril. Foi unha actividade completísima na que a rapazada tivo a oportunidade de desenvolver diferentes destrezas coma a creación literaria, a imaxinación, a capacidade de síntese, a creatividade, estratexias de ilustración e deseño de personaxes, gravación de voces e sons,…
Minia conduciu a actividade dun xeito ameno e divertido e os nenos e nenas disfrutaron e aprenderon moito.

O pasado venres, 29 de abril, a Biblioteca da Silva (Cerceda) conmemorou o Día do Libro 2016 co espectáculo Catalina, Lino, Lina de GlupGlup Teatro. Desfrutamos moitísimo desta actuación tan especial.

Catalina, Lino, Lina na Biblioteca da Silva (Cerceda)

O Sábado 23 de Abril estivo con nós Magín Blanco para celebrar o “Dia do Libro” este ano.

Co seu espectáculo de contos e música “Libros en-cantados” divertiu tanto a nenos como a maiores,

Unha hora, que nos soubo a pouco.  Agardamos que volte pronto por Corcubión!