o día 16 de maio a biblioteca de Lourenzá celebrou o dia das Letras Galegas cun conta contos no que participaron 120 nenos e nenas .Estivo a cargo do artista Manuel Solla Barragáns<, e na mencionada actividade os asistentes desfrutaron coa palabra, os xestos e a propia participación dos asistentes.
Os contadores Polo Correo do Vento achegáronnos as aventuras da saramaganta Roi en “O poeta do Miño”, una historia que homenaxea a Manuel María.
Nenos e adultos gozaron dunha historia na que os protagonistas percorrían o río Miño, seguindo moitas das paisaxes contadas e poetizadas por Manuel María, e tamén coñecendo algún dos seus poemas.
Ao rematar a historia, aprenderon con Carlos Taboada, o ilustrador, a debuxar una caricatura do noso poeta lucense.
O domingo 15 de maio, tivemos unha sesión de contacontos mesturados con maxia a cargo de Manuel Solla.
A actividade “Conto Contigo” resultou ser dinámica, moi divertida e altamente interactiva.
Música, humor e referencias culinarias unha boa mestura para satisfacer tódolos sentidos. Moi animado e divertido.
O sábado 14 de maio ás 12 h., con motivo da celebración do Día das Letras Galegas na actividade “Os sábados, conto” da Biblioteca Pública de Vigo Juan Compañel, Fátima Fernández relatou e interpretou o conto de “O bigote de Mimí de Manuel María”, un gato manso, agarimoso e presumido. Resultou moi entretida e divertida, e captou en todo momento a atención de cativos e maiores.
Espectáculo facscinante sobre o mundo dos paxaros e a natureza. A intérprete mostra una sensibilidade exclusiva dos grandes artistas. O escenario está ateigado de detalles evocadores. Gustou moito. Altamente recomendable!
Contos mariñeiros a cargo de Raquel Queizás.
O luns 16 de maio Gonçalo, integrante da compañía Elefante Elegante achegou ata a biblioteca municipal do Grove o contacontos teatral “O Xigante”, e narrou las peripecias dun home dun reino moi, moi lonxano que decidiu emprender unha viaxe hasta dar cunha árbore moi especial de cuxas polas nacían libros, moitos libros!!
O Público asistente acompañou ao home na súa longa viaxe e pasouno en grande.
O luns, 16 de maio, na Biblioteca Municipal de Dodro, Marisa Irimia homenaxeou ao escritor Manuel María co recitado dalgúns dos seus poemas e co relato de contos inspirados nas súas obras.
Estas historias estiveron protagonizadas por elementos presentes no espazo rural, unha realidade coñecida polo público asistente que empatizou e disfrutou moito co relato.
Marisa Irimia estivo acompañada por Diana, quen animou a sesión coa música do seu violín, creándose unha atmósfera moi emocionante; experiencia que recomendamos ao resto das bibliotecas da Rede.
O sábado 14 de maio LEO LEIÑO visitou a Biblioteca Pública Municipal de A Rúa coa actividade “Maxia e humor. Entre libros anda a maxia”. Achegáronse a biblioteca moitos nenos acompañados por papás e tamén algún avó. Tanto os nenos coma os grandes gozaron dos diversos números de maxia e historias , entre elas a de “Vermelliña”, que fixeron a ledicia de todos os asistentes. Os nenos prestáronse encantados como axudantes de maga para realizar algúns trucos: o canciño branco, a fonte , o abano, …. Unha mamá tamén se ofreceu voluntaria para o número do “anel”. Todos saíron encantados da función.
Séguenos