A CIENCIA É DIVERTIDA EN CAMARIÑAS
Ciencia e máis contos, unha boa combinación para entreter aos máis pequenos. A intérprete consigue cautivar cos seus relatos breves e cos experimentos científicos.
Saltar a ligazóns de pé de páxina
O COCIÑEIRO ANTON E A PASTELEIRA TOMASA EN FRADES
O xoves 15 de maio no CPI Pontecarreira tivo lugar a representación de “O cociñeiro Antón e a pasteleira Tomasa”
Despois da representación realizouse un obradoiro de decoración de bolechas.
PAVÍS PAVÓS DEIXANDO A PEGADA DOS SEUS CONTOS NA BIBLIOTECA ÁNXEL CASAL
O contacontos chegou cunha maleta chea de contos e ía sacándoos e contándoos.
O público participou con el e interpretaba as historias con voces e xestos. Houbo moitas risas e festas.
Se queres ver o relativo a ista actividade no Facebook da biblioteca preme aquí
ANIMALARIO FANTÁSTICO EN FRADES
O martes 13 de maio o alumnado do IES Pontecarreira participou no “Animalario Fantástico” un obradoiro plástico-literario que lles permitirá elaborar un animalario.
A BIBLIOTECA ÁNXEL CASAL LEVA O SEU CONTACONTOS Á FEIRA DO LIBRO DE SANTIAGO
O pasado 3 de maio, a Biblioteca Ánxel Casal trasladou a súa Choiva de Contos ao recinto da Feira do Libro de Santiago de Compostela, invitando a Carmen Domech a facer o seu contacontos, PASTOREANDO ALEGRÍAS.
Carmen contou catro historias. Na primeira, unha lebre, unha cabra e outros animais eran os protagonistas dunha nova versión do Coellinho branco.
Na segunda, a contadora foi describindo a través dun gran libro de trapo as diferentes ubicacións do pelo no corpo humano. As rimas e as divertidas ilustracións fixeron que o público morrera da risa.
Na terceira historia, a contacontos levaba un Libro-rolo de tea, e mentres ía contando, ía tirando do rolo onde diferentes esceas ilustradas mostraban o conto.
E na cuarta historia, valeuse dun panel vertical, tamén de tea, onde aparecían os distintos animais do conto popular “Unha vella tiña un can”.
As nenas e nenos estiveron moi atentos e pediron moitos máis contos. Para ver esta actividade no Facebook da biblioteca preme aquí.
Os nenos da Biblioteca Municipal de Ribadumia descubren a poesía “Esmeralda” de Díaz Castro.
Os nenos participantes no programa “Leer Conta Moito” festexan o Día das Letras Galegas cortando, pegando e pintando versos en galego da poesía de Díaz Castro “Esmeralda” coa axuda de Larraitz.
DIA DAS LETRAS GALEGAS NA BPM DE DODRO
O pasado día 16 de maio, na biblioteca de Dodro celebramos o día das Letras Galegas co espectáculo de Baobab Teatro: “Contos para un caldiño”
“Contos para un caldiño” é un espectáculo de contos e teatro, no que o público interactua coa a cociñeira Andrea Ea Ea. Es divertido e dinámico, onde todos gozaron dos contos visuais, contos tradicionais e contos dramatizados aderezados con cancións.
“FALA XOSÉ!” NA B. P. M. DE VILAGARCÍA DE AROUSA
As 12 horas do día 15 de maio tivo lugar, na biblioteca municipal, a actividade “Fala Xosé!” a cargo de Helga Méndez García, de Maquinarias Teatro. A representación que estivo dirixida a un grupo de escolares do municipio, achegou, ós nenos e nenas asistentes, á figura e á obra poética de Xosé María Díaz Castro.
O espectáculo gustou moito ó público asistente. Tanto ós nenos e nenas como ós profesores que os acompañaban.
A BIBLIOTECA DE LOURENZA CELEBRA O DIA DAS LETRAS GALEGAS
o dia 16 de maio a bibliteca de Lourenzá celebrou o dia das Letras Galegas cunha actuación de Manuel Solla Barragáns que levou a cabo esta actividade e na que asistiron 120 nenos e nenas de idades comprendidas entre os 3 e 12 anos.
Foi moi divertido, xa que o público puido participar no mesmo.
CAMPO LAMEIRO CELEBRA O DIA DAS LETRAS GALEGAS CO OBRADOIRO “ESMERALDA”
A Biblioteca Pública Municipal de Campo Lameiro celebrou o Día das Letras Galegas 2014 cun obradoiro creativo levado a cabo por Larraitz baseado no poema “Esmeralda”, do autor homenaxeado este ano Xoxé María Díaz Castro.
Esta actividade levouse a cabo na Biblioteca o pasado mércores 14 de maio e nela participaron uns 20 nenos e nenas de 5º e 6º curso do CEIP Pedro Antonio Cerviño, que recortaron e pegaron versos do poema “Esmeralda”, tanto en galego como traducido a outras lenguas (inglés, francés, euskera, catalán, aranés, filandés…), cos que crearon unha paisaxe que logo pintaron.
Séguenos