O pasado venres puidemos gozar, na biblioteca municipal de Monte Alto, da profesionalidade e experiencia dos artistas Alberto Guitián e Leandro Barea, que nos mostraron as técnicas e recursos creativos do humor gráfico actual.

Botamos unhas risas improvisando situacións cotiás que poderíannos servir de inspiración para as nosas propias viñetas, e logo experimentamos con materiais reciclados para crear as nosas primeiras caricaturas. Unha mañá diferente e, sobre todo, moi divertida.

Na Biblioteca municipal Sagrada Familia rematamos o pasado venres 29 de agosto o obradoiro de Stop Motion “Bibliotecas Animadas”, impartido por “Gargallando”  (www.gargallando.wordpress.com).  Ao longo de catro días, dez rapaces e rapazas de idades comprendidas entre os 8 e os 12 anos afondaron nas súas capacidades creativas  facendo, a partir de imaxes fixas, imaxes en movemento mediante a técnica do Stop Motion.   Cada grupo de nenos traballou sobre o mundo do cine partindo dun conto da biblioteca seleccionado por eles. Así crearon unha curtametraxe, mediante o uso da literatura, as artes plásticas (dibuxo, plastilina) e a  fotografía.

Dende logo os cativos e cativas foron ben puntuais a cotío, e cando chegaban á Biblioteca xa sabían o que tiñan que facer; saudaban á monitora e poñíanse mans a obra. De feito houbo pais que nos comentaron que se acostaban coas ganas de erguerse ao día seguinte e continuar co seu traballo artístico.

Abraiante e moi recomendable.

Actividade moi entretida onde os nenos e nenas estiveron moi participativos e pasaron unha hora moi amena

O xoves 28 de agosto recibimos na biblioteca de Ponte Caldelas a visita de Leo Leiño co seu espectáculo de maxia cómica que fixo as delicias dos mais pequenos.

<img class="alignnone size-full wp-image-7316" alt="Merlos. Miro Magariños" src="http://blogs.xunta.gal/lercontamoito/wp-content/uploads/sites/2/2014/08/DSC_0002.jpg" width="600" height="401" /
O mércores día 27 de agosto recibimos na biblioteca de Ponte Caldelas a Miro Magariños e o seu espectaculo Merlos, cunha gran calidade de escenificación, facendo pasar un moi bo momento, tanto a maiores como a nenos. Destacar o seu bo oficio.

O martes día 26 de agosto recibimos na biblioteca de Ponte Caldelas a visita de Migallas Teatro co seu espectáculo  “Merenda Pan de Millo”, deleitando a pequenos e maiores cos contos de Kalandraka e a música tradicional nas voces de Carlos e María. Moito éxito de participación.

O día tres de abril, a Biblioteca Pública Municipal de Meira, recibiu a Sarabela Teatro dentro do programa de Ler Conta Moito, representando “Conto Espress”. Estivo dirixida ós nenos de segundo e terceiro ciclo de primaria.

O día 24 de abril, a Biblioteca Pública Municipal de Meira tamén recibiu a actividade de “Non máis guerras” dentro do programa de Ler Conta Moito, a representación veu da man de Trinketrinke Teatro e iba dirixida ós nenos de infantil e primeiro ciclo de primaria.

Calquera das programacións foron enfocadas a tódolos alumnos do CEIP de Meira co fin de que tódolos nenos viñeran a visitar a Biblioteca e aproveitar esta saída para levar a cabo as sesións de contacontos.

Foron dúas actuacións espectaculares nas que os nenos e nenas o pasaron en grande logrando sempre por parte dos actores o obxectivo de estender a promoción da lectura e de implicar ós máis pequenos no mundo dos contacontos.

Ca axuda dos nenos e Minia Regos, os personaxes dos contos da nosa biblioteca cobraron vida e transformáronse en personaxes de animación. Os nosos nenos convertéronse en directores, realizadores, creadores e dobradores de cine.

O pasado luns rematou a última das 8 sesións do obradoiro de teatro que realizamos con Teatro Buratini durante as actividades de verán das Axencias de Lectura e a Biblioteca en Cambados, grazas ao programa da Xunta Ler Conta Moito. Durante este tempo “O lápis máxico” permitiu, aos 16 integrantes do curso, escribir a fermosa historia “Unha estrela de verdade” , aprendendo igualmente a crear e manexar títeres.  O resultado non puido ser máis divertido e enriquecedor…

Teatro Buratini en Cambados

Documento sin título

Contacontos ‘A Orixe’de Raquel Queizás 15/08/2014
	Contacontos ‘A Orixe’ (El Origen) de Raquel Queizás. Será nas piscinas descubertas de Verín (no caso de condición climáticas desfavorables trasladarase á Biblioteca de Verín). Durante o mesmo unha exploradora compartirá as historias que escoitou nas súas expedicións polo mundo a través da manipulación de obxectos e monicreques. Esta iniciativa, organizada pola Biblioteca Pública Municipal de Verín e a Xunta de Galicia, enmárcase no programa ‘Ler conta moito’, que tamén trouxo a Verín a Raquel Galavís e Xanela Ocio.