Obradoiro para coñecer as diferencias entre os produtos de limpeza e cosmética naturais e químicos, así coma os seus efectos sobre a nosa saúde e o ambiente.
A actividade consistirá nunha exposición de diferentes produtos químicos de limpeza, cosmética e hixiene persoal e as súas alternativas naturais.

O pasado venres, celebramos o día da biblioteca co obradoiro creativo de “Contamos con sombras”. Foi unha actividade na que ademais dos contos, os participantes tamén disfrutaron da arte do teatro da sombra creandoas eles mesmos.

O pasado sábado celebramos o Día das Bibliotecas cun obradoiro moi especial.

Despois de escoitar un conto cheo de maxia e fantasía, os nenos e nenas deron renda solta á súa imaxinación creando ovos con formas sorprendentes.

Foi unha mañá chea de creatividade, risas e moita ilusión.   

Sensacional a actuación desta gran profesional que fixo que os nenos desfrutaran desta viaxe sendo protagonistas eles mesmos grazas á narradora que coas súas grandes dotes e multitude de recursos  fixo realidade todo o que aquí se contou.

O venres 24, a rapazada de Cambre fixo un grandísimo esforzo para atrapar a Negra Sombra. Sairon felices e pedindo máis. E quen sabe se pensando en facerse detectives!

Unha sesión espectacular grazas a Maite que conseguiu que os nenos desfrutaran a tope desta narración cun gran fío de seguimento coa historia e coa artista que deixou unha boa sinal da súa profesionalidade.

Fantástico broche final para a nosa programación de Ler Conta Moito e celebración do día das bibliotecas este venres 24 de outubro. Cativos e maiores pasáronno en grande coas aventuras da nena Mariña e os seus amigos. Grazas Alba Bermúdez.

O venres 24 de outubro celebramos o Día das Bibliotecas por todo o alto. Acompañáronnos Andrea e Martín da Editorial Cuarto de Inverno que nos ensinaron como é a viaxe dun libro, dende a primeira idea para comezar a escribir ata a súa saída da imprenta. Aprendemos moito tanto nenos coma adultas de como é o proceso de encuadernación artesanal. Aínda que ás máis maiores nos costou un pouco o fío e a agulla, marchamos todas para casa cunha libreta feita por nós.

Mil grazas a Cuarto de Inverno por facelo posible. 

Participantes do Obradoiro de Memoria da Biblioteca de Moeche cantando a Rosalía con Jara Ortiz, aos sons da  súa voz, con bombo e pandeireta.

Actividade programada como celebración do “Día das Bibliotecas”, o 24 de outubro.

Nenos e nenas de Moeche na biblioteca, moi interesados facendo experimentos científicos cos alimentos.

A actividade foi programada como parte da celebración do “Día das Bibliotecas”, o 24 de outubro