Biblioteca de Ferrol e as Creacións literarias de Lucía Jares
Lucía Jares no taller de escritura (primeira sesión).
Saltar a ligazóns de pé de páxina
Charo Pita trouxo a chave do reino a Ribeira.
O pasado sábado, 16/05/2026 o Centro Cultural Lustres Rivas viviu unha magnífica sesión de contos con Charo Pita.
Reunímonos ao acubillo das obras da XV Bienal de Pintura do Eixo Atlántico. A arte alimenta o espírito e tamén axuda a que a nosa agarda polo comezo do espectáculo sexa moi produtiva.
Logo de ver os cadros escoitamos un breve discurso sobre as importancia da transmisión do galego, o noso maior patrimonio inmaterial, e puxémonos a ensaiar a nosa coreografía co lema “Levo o galego no corazón. Pum, pum. Pum, pum”.
Xa no salón de actos recibiunos Charo Pita, fixemos a coreografía do galego, deunos a en hora boa e comezou a contar e cantar. Que marabilla!
Charo deunos a chave do reino dos contos para que poidamos gozar de novas historias sempre que queiramos. E contou, contou unha manchea de contos, e cantou, cantou unha manchea de cancións coas que divertirnos e aprender.
Para rematar fomos coller os nosos libros favoritos á Biblioteca Pública Municipal de Ribeira.
Vémonos nos contos!Obradoiro de cianotipia na B.P.M de Mondariz Balneario
No día de onte achegouse á Biblioteca de Mondariz Balneario o equipo de PeixeSapop para ensinarnos as diferentes técnicas a aplicar para realizar as cianotipias, tanto para maiores como para á cativada. O publico asistente traballou con diferentes materiais, plumas, algas, vexetais…que aplicados xunto cos negativos formaron uns traballos únicos. Aquí tedes unha escolma dos resultados.
Quedamos encantadas e encantados con esta actividade, moi recomendable para todos os públicos.
Cantamos con Luis!
O día 17 de maio a Biblioteca Pública de Allariz a través do programa Ler Conta Moito sumouse a celebración das Letras Galegas 2026, dedicado a Begoña Caamaño ca programación da actividade cantamos con Luis! De Luis Vallecillo
A biblioteca utilizou como espazo para a realización da actividade a Alameda para pode albergar un maior número de público y que actividade, e mais coincidindo ca data do 17 de maio puidese participar o maior numero de nenas e nenos.
Luis Vallecillo fixo un recorrido polo seu libro Cantamos? E a través dos seus contos, cantarémolos e bailarémolos, gozando da lectura a ritmo de blues e rock & roll…contos de sempre, Os Tres Cerditos, Juan sen Medo” e moitas sorpresas entre as que estivo canción de Rosalía de castro.
OBRADOIRO DE FUNDAS+ CADERNO DE LECTURA (O FAIADO DE NIN)
O venres 15 de maio con motivo da programación das letras galegas realizamos un obradoiro de fundas+cadernos de lectura a cargo do Faiado de Nin na Biblioteca Municipal da Laracha. Un obradoiro moi entretido e participativo no que poideron levar para casa o material elaborado.
“Lettering con Begoña Caamaño” na Biblioteca Municipal de Abegondo
O pasado 15 de maio, con motivo das Letras Galegas, celebrouse na biblioteca municipal o obradoiro “Lettering con Begoña Caamaño” no que a rapazada coñeceu a arte de debuxar letras sumerxíndose na obra de Begoña Caamaño.
B.P.M. “VIDAL PAZOS” de MARÍN: ” As letras que voan con nome de Muller”
O 17 de maio tivo lugar no parque "Rosalía de Castro" de Marín un espectáculo infantil
para conmemorar o Día das Letras Galegas de 2026, dedicado á figura de Begoña Caamaño.
Bibliodiscoteca triunfa no Vicedo
María Faltri presentou un espectáculo musical ameno e divertido para os nenos e nenas que se achegaron á sala de exposicións da Casa de Cultura do Vicedo, con moita musica galega e achegándose aos libros presentes na colección da biblioteca local.
O mago Paco na Fonsagrada
O pasado domingo 17 de maio o público de A Fonsagrada, en especial os máis pequenos disfrutaron moito da actuación do mago Paco. Este espectáculo estaba enmarcado no Festival das Letras Galegas que cada ano organiza a asociación cultural Antaruxas e Sorteiros. Entre outras cousas entregaronse os diplomas aos gañadores do concurso de relatos para conmemorar o día das nosas letras, quenes nos agasallaron coa súa lectura. Os nenos estuveron moi participativos e o pasaron xenial.
O secreto da biblioteca no Valadouro con Trémola Teatro
Con motivo da celebración do Día internacional do libro, o Concello do Valadouro organizou o día seguinte, o venres 24 de abril, un contacontos titulado O Secreto da Biblioteca no Salón de Actos da Casa da Cultura. O público coñeceu a Iria nunha aventura chea de misterio. A través de xogos, pistas e libros que falan, nenas e nenos descubriron o secreto da biblioteca
Séguenos