Na biblioteca Municipal Isidro Novo de Lugo, recibimos a Paula Carballeira co seu espectáculo “Tres Irmás, tres camiños e tres grandes perigos”. Un contacontos no que a interpretación de Paula é a protagonista, conseguindo atraer a atención tanto dos nenos e nenas asistentes, como dos seus pais. Moi recomendable!

Unha tarde chea de contos para as crianzas máis pequenas con Bea Campos, de Migallas Teatro e o seu espectáculo “Cinco ratiños de conto”.  Con historias, rimas e cancións que fixeron gozar tanto ás nenas e nenos como aos maiores.

Os Monicreques de Kukas representaron en Lugo a súa obra “Xan Perillán e a maleta máxica”. O protagonista, Xan Perillán, contou coa axuda da rapazada para organizar a súa viaxe a Pernambuco. Unha organización que resultou do máis divertida para pequenos e maiores.

Un espectáculo de gran calidade!

Caxoto chegou pensando que, como o chef que é, os nenos e nenas viñan preparados para cociñar. Non era así, e o que querían era que lles contara unha historia.

Aínda que se resistiu un pouco, acaboulles contando a historia dunha nena que quería ser pirata. Afortunadamente os nenos e nenas estaban de acordo con que as nenas poden ser o que queiran e que non hai profesións de mulleres nin de homes.