|
Contos, historias, coplas,…que teñen como escenario un taller de costura e cuxos instrumentos son os fíos condutores deses contos |
|
|
|
Un espectáculo de narración oral absolutamente marabilloso, que, desde os primeiros minutos, deixou absortos tanto ao público infantil como adulto. |
|
“Astrolabios” é un espectáculo de narración oral que, a través de historias de todo tipo, nos achega ao firmamento e os seus misterios. E todo isto, cunha estupenda recreación espacial da contorna. |
 |
|
Foi un éxito e, ao mesmo, tamén contribuíu a interactividade co público. Ainda que recomendado “a partir de 7 anos”, os nenos que asistiron de idades máis tempranas, quedaron ata o final e o gozaron ainda que se lles escapase algún concepto. |
Este xoves, 30 de xuño, o parque do Piñeiral do Crego encheuse de festa, grazas ao contacontos ofrecido pola Biblioteca Xela Arias de Chapela dentro da celebración municipal polo Día do Orgullo LGTBIQ+
Manuel Solla, de Os Carballiños, achegounos “Voando libres”, un contacontos que falaba de tolerancia, de amor, de igualdade e de respecto ao diferente. Un espectáculo para eliminar clichés e trabas mentais, para poder voar libres segundo os nosos gustos e as nosas eleccións.
Nel contamos contos sobre tiburóns sen dentes, sobre ras vermellas, e moitas outras cousas máis… e asistimos a momentos de maxia e fantasía.
+ INFO no noso Weblog: https://bibliotecas.redondela.gal/voamos-libres-no-pineiral-do-crego-coa-biblioteca-xela-arias/
Na tarde do venres 10 de xuño o parque do Piñeiral do Crego, en Chapela, converteuse en espazo acolledor para gozar da lectura e xenial escenario para contar contos. Un público diverso, formado por persoas de todas as idades gozaron das historias que, salferidas das gotas da tradición oral galega, nos achegou unha contadora de excepción da que quedamos namorados: Alba Grande.
A actividade estaba organizada pola Biblioteca Municipal Xela Arias de Chapela.
+ INFO no noso Weblog: https://bibliotecas.redondela.gal/contos-con-alba-grande-para-unha-tarde-de-biblioteca-no-parque-do-pineiral/
Compartir con Charo Pita o contacontos de “A formiga na barriga” foi unha absoluta gozada para os quince nen@s e os adultos que os acompañaron.
Rimas, historias, xogos e cancións captaron completamente a atención de nen@s moi, moi pequen@s.
“A formiga na barriga. O cempés, alá nos pés. A tartaruga, na caluga. E a perdiz, pois… no nariz.”
Rapaces e rapazas de Chapela pasárono en grande estes días elaborando personaxes e historias a partir dos obxectos do cotián.
O animador sociocultural Xulio Varela achegounos a proposta “As cousas pequenas contan”, onde nos movía a tomar obxectos comúns do noso día a día para narrar con eles. Froito deste encontro xurdiron personaxes do máis variado: tenros, amorosos, sorprendentes, absurdos, surrealistas e sobre todo moi moi divertidos.
VER + NO NOSO BLOG: https://bibliotecas.redondela.gal/as-cousas-pequenas-contan-creando-personaxes-e-historias-cos-obxectos-do-cotian-con-xulio-varela/
A biblioteca Xela Arias de Chapela festexou o Día do Libro co contacontos “A biblioteca que viaxaba no tempo”, da man de Olga Abad. Un conto onde a biblioteca e a maxia dos libros traen a ledicia a todos os lugares.
Cativos e cativas de 1 a 4 anos gozaron da actividade acompañados das súas familias.
+ INFO NA NOSA WEBLOG: https://bibliotecas.redondela.gal/bibliotecas-maxicas-en-chapela-polo-dia-do-libro
O pasado xoves a Biblioteca Xela Arias festexou de xeito adiantado o Día das Bibliotecas cun espectáculo de cinema e narración oral que foi moi ben recibido polos nosos usuarios, cativos e grandes.
A nosa biblioteca de Chapela escolleu o espectáculo “Cinema marabillas: ver para ler” da xenial artista da narración oral Raquel Queizás, polo éxito que obtivo o pasado ano na Biblioteca Valle-Inclán.
“Cinema marabillas: ver para ler” é un espectáculo fantástico e cheo de maxia que atrapa aos espectadores, nenos e grandes, achegándolles os contos clásicos á vez que os descoñecidísimos primeiros filmes do cinema mudo.
Ademáis, a biblioteca preparou un fondo escollido de libros sobre cinema e contos clásicos que estivo presente na actividade.
Pasamos unha estupenda tarde de cinema, celebración e achegamento aos libros.
A Biblioteca Xela Arias (Chapela, Redondela) celebrou estes días unha actividade sobre ciencia, onde Jules Verne e a súa obra eran os protagonistas.
Un obradoiro científico para imaxinar, para comprender e para aprender.
Rapaces e rapazas de entre 6 e 8 anos de Chapela e arredores encheron as prazas do obradoiro e gozaron e aprenderon a través dos experimentos e xogos realizados polos monitores da actividade.
A biblioteca dispuxo para o obradoiro dun gran número de libros do seu fondo sobre Jules Verne e tamén sobre ciencia adaptados ás idades do grupo.
Ver + no weblog da biblioteca: https://bibliotecas.redondela.gal/20-000-leguas-de-lectura-divertida-xules-verne-anima-a-explorar-na-ciencia-a-rapazada-de-chapela/
O artista Caxoto visitou onte a Biblioteca Xela Arias de Chapela e, no auditorio do Edificio Multiúsos, ofreceu un espectáculo divertidísimo de contacontos para os máis cativos.
Nenas e nenos de entre 1 e 4 anos encheron as prazas dispoñibles para este espazo, que gardando todas as medidas de seguridade, se converteu por esta tarde nun espazo para a imaxinación, a diversión, as risas, e os cantos.
Grazas aos nenos e nenas de Chapela e arredores e ás súas familias polo interese na actividade, e grazas o artista Caxoto por un serán máxico que agardabamos tanto.
+ INFO: https://bibliotecas.redondela.gal/levantate-xan-contacontos-con-caxoto-na-biblioteca-xela-arias/
Séguenos