11F: Unha data importante na formación docente

O día 11 de febreiro está recoñecido como o “Día internacional da muller e a nena na Ciencia”, unha iniciativa con dos obxectivos moi importantes:

-Obxectivo 1: Visibilizar o traballo das mulleres que se dedican ás áreas STEM ( Science, Technology, Engineering and Mathematics), creando así referentes femininos para a infancia que poidan contribuír á elección destas áreas como carreiras profesionais.

-Obxectivo 2: Coñecer os diferentes factores que afectan á situación actual da muller nas áreas STEM para fomentar prácticas que conduzan á súa eliminación e alcanzar a igualdade de xénero no ámbito científico.

Dende o Centro Autonómico de Formación e Innovación (CAFI) desenvolvemos o noso traballo diario tendo ben presente o impulso dos referentes femininos próximos e lonxanos tentando que a fenda de xénero sexa cada vez máis pequena. Tendo esta idea sempre presente, fixemos unha campaña nas nosas redes sociais: Twitter, Instagram e Facebook visibilizando o traballo de 24 mulleres investigadoras galegas.

A nosa idea era que cada hora aparecera unha publicación ca información e imaxe do referente asociada a unha das nosas actividades formativas que hipotéticamente escollería do noso plan anual de formación. O formato dixital escollido é un vídeo de curta duración ca información mínima para permitir identificar a nosa protagonista e a actividade.

Coñécelas?