O sábado 14 de maio LEO LEIÑO visitou a Biblioteca Pública Municipal de A Rúa coa actividade “Maxia e humor. Entre libros anda a maxia”. Achegáronse a biblioteca moitos nenos acompañados por papás e tamén algún avó. Tanto os nenos coma os grandes gozaron dos diversos números de maxia e historias , entre elas a de “Vermelliña”, que fixeron a ledicia de todos os asistentes. Os nenos prestáronse encantados como axudantes de maga para realizar algúns trucos: o canciño branco, a fonte , o abano, …. Unha mamá tamén se ofreceu voluntaria para o número do “anel”. Todos saíron encantados da función.

Con motivo da celebración do Día das Letras Galegas a biblioteca programou o espectáculo que leva por título, “Poemas e contos con Manuel María” no que os contos e as historias pivotan ao redor dos poemas de Manuel María, que figuran como eixo conductor, acompañados da música de violín.

Marisa Irimia achéganos á poesía e á narración oral dun xeito musicado e lúdico, onde todos participan.

O Mago Paco, visitou a BPM de Campo Lameiro para divertir os nenos, nenas e maiores  co seu espectáculo “Divermaxia”.

¡Foi unha actuación chea de maxia e risas!

Actuación realizada para os/as alumnos/as de 4º,5º e 6º de ensinanza primaria, no auditorio anexo á biblioteca. Actuación moi educativa, especialmente no fomento do respeto á natureza.

Divertido recitado de Larraitz Uurruzola cos seus “Babacontos con Manuel María”. Pais e nenos disfrutando e bailando a través das poesías de Manuel María

Realizamos esta actividade, no auditorio anexo á bilbioteca para os/as alumnos/as de ensino secundario. Un estupendo espectáculo guionizado de maxia e música que conectou ás mil marabillas cos/as rapaces.

Realizamos esta actividade, baseada no libro-cd-dvd “Brinca Vai! De aquí a acolá”, no auditorio anexo á biblioteca para os/as nenos/as de Educación Infantil.

Tanto os/as nenos/as, que coñecen moi ben o libro, como os/as profesores pasarono en grande.

O venres 13 de Maio, as alumnas e alumnos da ESO do CPI de Zas pasárono en grande cos contos de Avelino González, e ata aprendemos que co Galego podemos dominar sen problema o resto das linguas do mundo…

A compañía Migallas Teatro presentou a seción de contos para bebés denominada “Os contos do chupete” na biblioteca municipal de Tordoia, sita na Casa de Cultura. A actividade asistiron darredor de 20 nenos de idades comprendidas entre os cero e os tres anos.

OQO realizou un obradoiro na Biblioteca de Betanzos, o 14 de maio, onde os nenos/as fixeron os personaxes dos seus contos preferidos con masa de pan